ପୁରୀ : ଶ୍ରୀମନ୍ଦିର ରତ୍ନ ସିଂହାସନ ଉପରେ ମହାପ୍ରଭୁଙ୍କ ସୁନାବେଶକୁ ନେଇ ଦୁଇ ନିଯୋଗଙ୍କ ମଧ୍ୟରେ ରହିଥିବା ବିବାଦର ଆଜି ସମାଧାନ ହୋଇଛି । ଆଜି ସନ୍ଧ୍ୟାରେ ଶ୍ରୀମନ୍ଦିର ଉପମୁଖ୍ୟ ପ୍ରଶାସକ ସମର୍ଥ ବର୍ମାଙ୍କ ଅଧ୍ୟକ୍ଷତାରେ ଶ୍ରୀମନ୍ଦିର କାର୍ଯ୍ୟାଳୟରେ ଅନୁଷ୍ଠିତ ବୈଠକରେ ସିଂହାରୀ ଓ ଭଣ୍ଡାର ମେକାପ ନିଯୋଗ କର୍ମକର୍ତ୍ତାଙ୍କ ଉପସ୍ଥିତିରେ ସମାଧାନର ରାସ୍ତା ବାହାରିଛି ।
ସିଂହାରି ଓ ଭଣ୍ଡାର ମେକାପ ସେବାୟତଙ୍କ ବିବାଦ ହେଲା ସମାଧାନ
ଗତ ନାଗାର୍ଜୁନ ବେଶ ଓ ପୌଷ ପୂର୍ଣ୍ଣିମା ଦିନ ସୁନାବେଶ ସମୟରେ ଏହି ଦୁଇ ସେବାୟତ ନିଯୋଗ ମଧ୍ୟରେ ହୋଇଥିଲା ବିବାଦ । ରତ୍ନ ସିଂହାସନ ଉପରେ ମାତ୍ରାଧିକ ସିଂହାରୀ ସେବାୟତଙ୍କ ଉପସ୍ଥିତିକୁ ନେଇ ପାଳିଆ ଭଣ୍ଡାର ମେକାପ ବିରୋଧ କରିଥିଲେ । ଅତ୍ୟଧିକ ସେବାୟତଙ୍କ ସିଂହାସନ ଉପରେ ଉପସ୍ଥିତି ଯୋଗୁଁ ଭଣ୍ଡାର ମେକାପ ମହାପ୍ରଭୁଙ୍କ ସୁନା ଅଳଙ୍କାର ଗୁଡିକୁ ସିଂହାରୀ ସେବାୟତଙ୍କୁ ହସ୍ତାନ୍ତର କରିବାକୁ ରାଜି ହୋଇ ନଥିଲେ ।