ପୁରୀ: ପୁରୀରେ ପହଞ୍ଚିଲା ରଥକାଠ । ସପ୍ତମ ପର୍ଯ୍ୟାୟରେ ଏହି ରଥ କାଠ ଆସି ପହଞ୍ଚିଛି । ଏଥିରେ ମୋଟ 20 ଖଣ୍ଡ କାଠ ରହିଥିବାବେଳେ 19ଟି ଧଉରା ଓ ଗୋଟିଏ ଅସନ କାଠ ଆସିଛି । ଏହା ଉତ୍ତର ଘୁମୁସର ବନଖଣ୍ଡ, ଭଞ୍ଜନଗରରୁ ଏକ ଟ୍ରକ ଯୋଗେ ଆସିଛି । ଆସନ୍ତା 26 ତାରିଖରେ ଅକ୍ଷୟ ତୃତୀୟାରେ 3 ରଥର ନିର୍ମାଣ କାର୍ଯ୍ୟ ଅନୁକୂଳ ହେବ। ତେବେ ଲକ ଡାଉନ ଚାଲୁଥିବା ବେଳେ କୋରୋନା ସଂକ୍ରମଣକୁ ଦୃଷ୍ଟିରେ ରଖି ଚଳିତ ବର୍ଷ ରଥ ଯାତ୍ରା ଅୟୋଜନ ନେଇ ବିଭିନ୍ନ ମହଲରେ ଅନେକ ଆଶଙ୍କା ପ୍ରକାଶ ପାଇଛି ।
ପୁରୀରେ ପହଞ୍ଚିଲା ସପ୍ତମ ପର୍ଯ୍ୟୟ ରଥ କାଠ
ତେବେ ରଥଯାତ୍ରା ଅୟୋଜନ ହେବ କି ନାହିଁ ସରକାର ତାହା ସ୍ପଷ୍ଟ କରିନଥିଲେ ମଧ୍ୟ ରଥ ନିର୍ମାଣ ପାଇଁ କାଠ ପୁରୀକୁ ଆସିବା ଜାରି ରହିଛି । ତେବେ ମହାପ୍ରଭୁଙ୍କ କୃପାରୁ ଚଳିତ ବର୍ଷ ରଥଯାତ୍ରା ଠିକ ସମୟରେ ହେବା ନେଇ ଭୋଇ ସର୍ଦାର ରବି ଭୋଇ ଆଶା କରିଛନ୍ତି। ତିନି ରଥ ନିର୍ମାଣ ପାଇଁ 865 ଖଣ୍ଡ କାଠ ମୋଟ ଆବଶ୍ୟକ ରହିଛି ।