ପୁରୀ: ଜୁଲାଇ 13ରେ ଆରମ୍ଭ ହେବ ଏଏସଆଇଙ୍କ ଶ୍ରୀମନ୍ଦିର ଗର୍ଭଗୃହ ଯାଞ୍ଚ । ଏନେଇ ଆଜି(ଶନିବାର) ଏଏସଆଇ ସୁପେରିଟେଣ୍ଡଣ୍ଟ ଅରୁଣ ମଲ୍ଲିକଙ୍କ ନେତୃତ୍ବରେ 5 ଜଣିଆ ଏଏସଆଇ ବିଶେଷଜ୍ଞ ଟିମ ଶ୍ରୀମନ୍ଦିର ଯାଇ ସ୍ଥିତି ଅନୁଧ୍ୟାନ କରିଛନ୍ତି । ଗତକାଲି (ଶୁକ୍ରବାର ଶ୍ରୀମନ୍ଦିର ବୈଷୟିକ କୋର କମିଟି ମଧ୍ୟ ଏନେଇ ଅନୁଧ୍ୟାନ କରିସାରିଛନ୍ତି । ତେବେ ରଥଯାତ୍ରା ସମୟରେ ଶ୍ରୀମନ୍ଦିର ଗର୍ଭଗୃହ ଯାଞ୍ଚ ସହ ଲେଜର ସ୍କାନିଂ କରାଯିବା ନେଇ ସୂଚନା ରହିଛି । ଏଥିସହ ସେ ସବୁର କରାଯିବ ଡକୁମେଣ୍ଟେସନ ।
ଜୁଲାଇ 13ରେ ଆରମ୍ଭ ହେବ ଏଏସଆଇ ଦ୍ୱାରା ଶ୍ରୀମନ୍ଦିର ଗର୍ଭଗୃହ ଯାଞ୍ଚ
ସେପଟେ ରଥଯାତ୍ରା ପରଦିନ ଠାରୁ ଆରମ୍ଭ ହେବ ରୁପା ଦ୍ବାର ଲଗାଇବା କାର୍ଯ୍ୟ । ଏନେଇ ତିନୋଟି ପ୍ରମୁଖ ଦ୍ବାର କଳାହାଟ, ବେହରଣ ଓ ଜୟ ବିଜୟ ଦ୍ବାର ସହ ଭଣ୍ଡାର ଦ୍ଵାରକୁ ରୁପା ଛାଉଣୀ କରାଯିବ । ସେଥିପାଇଁ ନିଳାଦ୍ରୀ ଭକ୍ତ ନିବାସରେ ବର୍ମାଟିକ କାଠରେ ଦ୍ବାର ନିର୍ମାଣ ଶେଷ ହୋଇଛି । ଅନ୍ୟପଟେ ଷ୍ଟିଲ ଫ୍ରେମରେ ରୁପା ଛାଉଣୀ କରାଯାଇ ଦ୍ବାର ଉପରେ ଲଗାଯିବ ।