ପୁରୀ: ଶ୍ରୀମନ୍ଦିରରେ କାର୍ଯ୍ୟରତ 150 ଜଣ ଦଇତାପତି ସେବାୟତଙ୍କ କୋଭିଡ-19 ଟେଷ୍ଟ ପାଇଁ ସ୍ବାବ ସଂଗ୍ରହ ସରିଥିବା ବେଳେ ଶୁକ୍ରବାରଠାରୁ ଗରାବଡୁ ସେବକଙ୍କ ସ୍ବାବ ସଂଗ୍ରହ ପ୍ରକ୍ରିୟା ଆରମ୍ଭ ହୋଇଛି । ଏଥିରେ ମୋଟ 172 ଜଣ ଗରାବଡୁ ସେବକଙ୍କ କୋଭିଡ ଟେଷ୍ଟ ହେବା ନେଇ ସୂଚନା ରହିଛି । 29 ଓ 30 ତାରିଖ ଦୁଇ ଦିନ ଧରି ଶ୍ରୀମନ୍ଦିର କାର୍ଯ୍ୟାଳୟରେ ସ୍ବାବ ସଂଗ୍ରହ ନେଇ ସ୍ବତନ୍ତ୍ର ପ୍ରକୋଷ୍ଠର ବ୍ୟବସ୍ଥା କରାଯାଇଛି ।
ଆସୁଛି ସ୍ନାନ ପୂର୍ଣ୍ଣିମା, ଗରାବଡୁ ସେବାୟତଙ୍କ ଆରମ୍ଭ ହେଲା ସ୍ବାବ ସଂଗ୍ରହ
ଆଗକୁ ଦେବସ୍ନାନ ପୂର୍ଣ୍ଣିମା ଆସୁଥିବା ବେଳେ ଗରାବଡୁ ନିଯୋଗର ମହାପ୍ରଭୁଙ୍କ ପାଖରେ ରହିଛି ଗୁରୁତ୍ବପୂର୍ଣ୍ଣ ସେବା । ମହାପ୍ରଭୁଙ୍କ ସ୍ନାନ ଯାତ୍ରା ପାଇଁ ଏହି ଗରାବଡୁ ସେବକମାନେ ଜଳ ଆଣି ପ୍ରଦାନ କରିଥାନ୍ତି । ଏଣୁ ଶ୍ରୀମନ୍ଦିର ପ୍ରଶାସନର ନିଷ୍ପତ୍ତି ଅନୁଯାୟୀ ଯେଉଁ ଗରାବଡୁ ସେବାୟତମାନେ ମହାପ୍ରଭୁଙ୍କ ସ୍ନାନ ଯାତ୍ରାରେ ରହିବେ ସେମାନଙ୍କର କୋଭିଡ ଟେଷ୍ଟ ହେବ। ସେମାନେ ମଧ୍ୟ ହୋମ କ୍ଵାରେଣ୍ଟାଇନରେ ରହିବେ ।