ପୁରୀ : ଖରାପ ମାଟ୍ରିକ ରେଜଲ୍ଟକୁ ନେଇ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ । ଏଭଳି ଘଟଣା ଦେଖିବାକୁ ମିଳିଛି ପୁରୀରେ । ମାଟ୍ରିକ ରେଜଲ୍ଟ ଖରାପ ହେବାରୁ ଜଣେ ଛାତ୍ରୀ ନିଜ ମାନସିକ ଭରସାମ୍ୟ ହରାଇ ହାତ କାଟି ଦେଇଛନ୍ତି । ତେବେ ସଠିକ ସମୟରେ ତାଙ୍କୁ ଡାକ୍ତରଖାନାରେ ଚିକିତ୍ସା କରାଇବାରୁ ସେ ସୁସ୍ଥ ଥିବା ଜଣାପଡିଛି ।
ଖରାପ ମାଟ୍ରିକ ରେଜଲ୍ଟକୁ ନେଇ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ
ଆତ୍ମହତ୍ୟା ଉଦ୍ୟମ କରିଥିବା ଛାତ୍ରୀ ଜଣକ ହେଉଛନ୍ତି ପୁରୀ ମଧୁବନସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିରର ଛାତ୍ରୀ ପ୍ରଜ୍ବଳିତା ପ୍ରିୟ ଦର୍ଶିନୀ । ଏହି ଘଟଣାରେ ତାଙ୍କ ସହପାଠୀ ଓ କିଛି ଅଭିଭାବକ ଯାଇ ସ୍କୁଲ ଆଗରେ ଧାରଣା ଦେଇଛନ୍ତି । ବୋର୍ଡ କର୍ତ୍ତୃପକ୍ଷ ଖାମ ଖିଆଲି ନୀତି ଯୋଗୁଁ ଉକ୍ତ ସ୍କୁଲରେ ଅନେକ ମେଧାବୀ ଛାତ୍ରଛାତ୍ରୀ ଥିଲେ ମଧ୍ୟ ଉପଯୁକ୍ତ ମାର୍କ ମିଳି ପାରିନାହିଁ । ଯାହାକୁ ନେଇ ଛାତ୍ରଛାତ୍ରୀ ତୀବ୍ର ଅସନ୍ତୋଷ ଵ୍ୟକ୍ତ କରିଛନ୍ତି ।