ପୁରୀ: ଜିଲ୍ଲା ପିପିଲି ସରକାରୀ ଡାକ୍ତରଖାନାରେ ବର୍ତ୍ତମାନ ସ୍ବାସ୍ଥ୍ୟାବସ୍ଥା ଅଚଳ ହୋଇପଡିଛି । ଯାହାର ପ୍ରତିବାଦରେ ଗଣ ଆନ୍ଦୋଳନ କରାଯାଉଛି। ବିଭିନ୍ନ ରାଜନୈତିକ ଦଳ, ସ୍ବେଚ୍ଛାସେବୀ ସଂଗଠନ, ମାନବାଧିକାର କର୍ମୀ ଆମରଣ ଅନଶନରେ ବସିଛନ୍ତି। ତୁରନ୍ତ ସରକାର ଓ ଜିଲ୍ଲା ପ୍ରଶାସନ 4 ଜଣ ଡାକ୍ତରଙ୍କ ନିଯୁକ୍ତି ସହ ରୋଗୀ ସେବା ଯୋଗାଇ ଦେବାକୁ ଦାବି କରିଛନ୍ତି । ତେବେ ଏହି ଧାରଣା ଅନିର୍ଦ୍ଦିଷ୍ଟ କାଳ ପାଇଁ ଆରମ୍ଭ ହୋଇଛି।
ପିପିଲିରେ ରୋଗୀଙ୍କୁ ଉନ୍ନତ ସ୍ବାସ୍ଥ୍ୟ ସେବା ଯୋଗାଇ ଦେବାକୁ ଗଣ ଧାରଣା
ସୂଚନା ଅନୁଯାୟୀ, ପିପିଲି ମେଡିକାଲ ରେ ଥିବା 2 ଜଣ ଡାକ୍ତରଙ୍କ ସମେତ ଅନେକ କର୍ମଚାରୀ କୋଭିଡରେ ସଂକ୍ରମିତ ହେବା ପରେ ସ୍ବାସ୍ଥ୍ୟ ସେବା 2 ମାସ ହେବ ଅଚଳ ହୋଇ ପଡିଛି। ଫଳରେ ଅନେକ ଲୋକ ଘରୋଇ ଡାକ୍ତରଖାନା ସମେତ ଭୁବନେଶ୍ବରକୁ ଚିକିତ୍ସା ପାଇଁ ଯାଇ ଅନେକ ଖର୍ଚ୍ଚାନ୍ତ ହେଉଛନ୍ତି। ଅନେକ ଗରିବ ଲୋକ ନାହିଁ ନ ଥିବା ଅସୁବିଧା ଭୋଗୁଛନ୍ତି। ବାରମ୍ବାର ଦାବି ସତ୍ତ୍ବେ ଏହି ଅସୁବିଧାର ପ୍ରତିକାର ପାଇଁ ପୁରୀ ଜିଲ୍ଲା ପ୍ରଶାସନ କୌଣସି ବ୍ୟବସ୍ଥା କରୁନାହିଁ।