ସତ୍ୟବାଦୀରେ ନିର୍ବାଚନୀ ହିଂସା, ସମିତି ସଭ୍ୟ ପ୍ରାର୍ଥୀଙ୍କ ଗାଡିକୁ ପଥର ମାଡ

ପୁରୀ ସତ୍ୟବାଦୀରେ ନିର୍ବାଚନୀ ହିଂସା । ପୂର୍ବ ଶତ୍ରୁତାକୁ କେନ୍ଦ୍ର କରି ସମିତ ସଭ୍ୟ ପ୍ରାର୍ଥୀଙ୍କ ଉପରେ ଆକ୍ରମଣ କରାଯାଇଥିବା ଅଭିଯୋଗ । ଅଧିକ ପଢନ୍ତୁ

ପୁରୀ:ସତ୍ୟବାଦୀରେ ନିର୍ବାଚନୀ ହିଂସା । ସମିତି ସଭ୍ୟ ପ୍ରାର୍ଥୀଙ୍କ ଗାଡି ଭଙ୍ଗାରୁଜା ଅଭିଯୋଗ । ବଳରାମପୁର ଗଡ଼ରେ ଦେଖାଦେଇଛି ଏପରି ନିର୍ବାଚନୀ ହିଂସା । ପ୍ରାର୍ଥୀଙ୍କୁ ଧମକ ସହିତ ଗାଡି ଭଙ୍ଗାରୁଜା କରାଯାଇଥିବା ଅଭିଯୋଗ ହୋଇଛି ।

ପଞ୍ଚାୟତ ନିର୍ବାଚନ ପୂର୍ବରୁ ଦେଖାଦେଇଛି ଏଭଳି ଘଟଣା । ରାଜନୈତିକ ଆକ୍ରୋଶକୁ ନେଇ ଗାଡି ଭଙ୍ଗାରୁଜା କରାଯାଇଥିବା ଅଭିଯୋଗ ଆସିଛି । ପୁରୀ ଜିଲ୍ଲା ସତ୍ୟବାଦୀ ବ୍ଲକ ବଳରାମପୁର ପଞ୍ଚାୟତ ସମିତି ସଭ୍ୟ ପ୍ରାର୍ଥୀ ତ୍ରିଲୋଚନ ନନ୍ଦଙ୍କ କାରକୁ ରାଜନୈତିକ ଆକ୍ରୋଶ ରଖି ପଥରରେ ଛେଚି କାଚ ଭାଙ୍ଗି ଦେଇଥିବା ଅଭିଯୋଗ ହୋଇଛି ।

ତ୍ରିଲୋଚନ ନନ୍ଦ ପୂର୍ବରୁ ନିର୍ଦ୍ଦିଷ୍ଟ ଏକ ରାଜନୈତିକ ଦଳର ସମର୍ଥନରେ ସମିତି ସଭ୍ୟ ଭାବେ ବିଜୟ ହୋଇ କାର୍ଯ୍ୟ କରୁ ଥିବାବେଳେ ଚଳିତ ନିର୍ବାଚନରେ ଅନ୍ୟ ଏକ ରାଜନୈତିକ ଦଳ ସମର୍ଥନରେ ସମିତି ସଭ୍ୟ ଭାବେ ନିର୍ବାଚନ ଲଢୁଛନ୍ତି । ଏହାକୁ କେନ୍ଦ୍ର କରି ଉଦ୍ଦେଶ୍ୟମୂଳକ ଭାବେ ହିଂସା କରାଯାଇଥିବା ସମିତି ସଭ୍ୟ ପ୍ରାର୍ଥୀ ଅଭିଯୋଗ କରିବା ସହ ତାଙ୍କ ଜୀବନ ପ୍ରତି ବିପଦ ଥିବା ସେ କହିଛନ୍ତି ।


ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ