ପୁରୀ: ଶୁକ୍ରବାର ମହାପ୍ରଭୁଙ୍କ ସ୍ନାନଯାତ୍ରା । ତେବେ କୋରୋନା ଭୂତାଣୁ ସଂକ୍ରମଣ ଆଶଙ୍କାକୁ ନେଇ 144 ଧାରା ଜାରି ନିଷ୍ପତ୍ତି ପରେ ନିରାଶ ହୋଇଛନ୍ତି ଭକ୍ତ । ଦୀର୍ଘ 2 ମାସ ହେବ ଲକଡାଉନ କଟକଣା ଯୋଗୁଁ ଶ୍ରୀମନ୍ଦିର ଭିତରେ ଭକ୍ତ ମାନେ ମହାପ୍ରଭୁଙ୍କ ଦର୍ଶନ ପାଇ ନାହାନ୍ତି । ସମସ୍ତେ ଭାବିଥିଲେ ସ୍ନାନଯାତ୍ରାରେ ମହାପ୍ରଭୁଙ୍କ ଦର୍ଶନ ମିଳିବ ।
ତେବେ କୋରୋନା କଟକଣା ଭକ୍ତ ଓ ଭଗବାନ ଭିତରେ ପୁଣି ପ୍ରାଚୀର ସୃଷ୍ଟି କରିଛି । ସମ୍ପ୍ରତିକ ପରିସ୍ଥିତିକୁ ଦେଖି ପ୍ରଶାସନର କଟକଣାକୁ ମଧ୍ୟ ଭକ୍ତ ସମର୍ଥନ କରିଛନ୍ତି । ତେବେ ମହାପ୍ରଭୁ ସ୍ନାନ ମଣ୍ଡପ ବିଜେ ପରେ ନିଶ୍ଚିତ କୋରୋନା ଦୂର ହେବ ଓ ଭକ୍ତ ଭଗବାନ ମଧ୍ୟରେ ଦୂରତ୍ବ ହଟିବ ବୋଲି ଭକ୍ତମାନେ କହିଛନ୍ତି । ଯେତେ ନିଜ ମନକୁ ବୁଝାଇଲେ ମଧ୍ୟ ଭକ୍ତ ମହାପ୍ରଭୁଙ୍କ ଦର୍ଶନରୁ ବଞ୍ଚିତ ଯୋଗୁଁ ଭକ୍ତ ମନରେ ରହିଛି ଗଭୀର ଦୁଃଖ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
