ବ୍ରହ୍ମଗିରି: ଚଳିତ ବର୍ଷ ଓଡ଼ିଶାରେ ପ୍ରଥମ ସାପ ଉଦ୍ଧାର କରାଯାଇଛି । ଏହାସହ ଏକାଧିକ ସାପ ଅଣ୍ଡା ମଧ୍ୟ ଉଦ୍ଧାର କରାଯାଇଛି । ବ୍ରହ୍ମଗିରି ମଥୁରା ଗ୍ରାମରୁ ସାପ ଉଦ୍ଧାରକାରୀ ସଦସ୍ୟ ସିଦ୍ଧାର୍ଥ ପଟ୍ଟନାୟକଙ୍କ ଦ୍ଵାରା ସାପ ସହ ଏକାଧିକ ଅଣ୍ଡା ଉଦ୍ଧାର କରାଯାଇଛି ।
ବ୍ରହ୍ମଗିରି ରେଞ୍ଜ ଅଧୀନ ମଥୁରା ଗ୍ରାମରେ ଜଣେ ବ୍ୟକ୍ତିଙ୍କ ଘରେ ସାପ ପଶିଥିବା ଖବର ପାଇ ସିଦ୍ଧାର୍ଥ ପହଞ୍ଚିଥିଲେ। ସେଠାରେ ସାପ ସହିତ ତାର ଏକାଧିକ ଅଣ୍ଡା ଥିବାର ସେ ଦେଖିବାକୁ ପାଇଥିଲେ । ସାପଟିକୁ ଜଙ୍ଗଲରେ ଛାଡିବା ସହ ଅଣ୍ଡା ଗୁଡିକୁ ପଟ୍ଟନାୟକ ବନବିଭାଗକୁ ହସ୍ତାନ୍ତର କରିଛନ୍ତି। ଉପରିସ୍ଥ ଅଧିକାରୀଙ୍କ ସହିତ ଆଲୋଚନା କରି ଅଣ୍ଡାର ରକ୍ଷଣାବେକ୍ଷଣ କରାଯିବ ବୋଲି ବନବିଭାଗ ସୂଚନା ଦେଇଛି।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ