ପୁରୀ: ବିଭିନ୍ନ ଶୈବ ପୀଠରେ ଜଳ ଲାଗି କରୁଛନ୍ତି ହଜାର ହଜାର କାଉଡିଆ । ସେନେଇ ଆଜି ପୁରୀର ପ୍ରସିଦ୍ଧ ଶୈବପୀଠ ବାବା ଲୋକନାଥ ମନ୍ଦିରରେ ଦେଖିବାକୁ ମିଳିଥିଲା ପ୍ରବଳ ଭିଡ । ଆଜି ଶେଷ ଶ୍ରାବଣ ସୋମବାରରୁ କାହିଁ କେତେ ଦୂରରୁ ଶତାଧିକ ଶ୍ରଦ୍ଧାଳୁ ଆସି ଜଳାଭିଷେକ କରିଛନ୍ତି।
ରାଜ୍ୟର ବିଭିନ୍ନ ଶୈବପୀଠକୁ ଛୁଟୁଛି କାଉଡିଆଙ୍କ ଭିଡ । ବିଭିନ୍ନ ଜଳାଶୟରୁ ପାଣି ଉଠାଇ ଜଳଲାଗି କରୁଛନ୍ତି ଶହ ଶହ ଶ୍ରଦ୍ଧାଳୁ । ଶ୍ରାବଣର ଶେଷ ସୋମବାର ହୋଇଥିବାରୁ ବର୍ଷା ସତ୍ତ୍ବେ ବାବା ଲୋକନାଥ ମନ୍ଦିରରେ ପାଣି ଢାଳିଛନ୍ତି କାଉଡିଆ । ସେପଟେ ଭକ୍ତଙ୍କ ସମାଗମ ଦେଖି ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ