ବ୍ରହ୍ମଗିରି: ପ୍ରଚାର ସମୟରେ ବିଜେଡି ବିଧାୟକ ପ୍ରାର୍ଥୀ ସଞ୍ଜୟ ଦାସ ବର୍ମାଙ୍କୁ ବିରୋଧ ପ୍ରଦର୍ଶନ ହୋଇଛି । ଶନିବାର ସଞ୍ଜୟ ବେଣ୍ଟପୁର ପଞ୍ଚାୟତର ବିଜିପୁର ଗ୍ରାମରେ ପଦଯାତ୍ରା କରୁଥିବାବେଳେ ଏହି ଘଟଣା ଘଟିଛି । ସେପଟେ ସ୍ଥାନୀୟ ମହିଳାଙ୍କୁ ବିଜେଡି କର୍ମୀ ଆକ୍ରମଣ କରିଥିବାର ପାଲଟା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ବ୍ରହ୍ମଗିରି
ରିପୋର୍ଟ ଅନୁସାରେ ନିଜ ନିର୍ବାଚନମଣ୍ଡଳୀରେ ଘରେ ଘରେ ବୁଲି ଭୋଟ ଭିକ୍ଷା କରୁଥିବାବେଳେ ସଞ୍ଜୟଙ୍କୁ ବିରୋଧ କରାଯାଇଥିବାର ଅଭିଯୋଗ ହୋଇଛି । ଗ୍ରାମର କିଛି ମହିଳା ଏକତ୍ରିତ ହୋଇ ଗ୍ରାମ ମଝିରେ ସଞ୍ଜୟଙ୍କୁ ଅଟକାଇଥିଲେ ଓ ଚିଟ୍ ଫଣ୍ଡ ଟଙ୍କା କେବେ ମିଳିବ କହି ଘେରି ଯାଇଥିଲେ । ଟଙ୍କା ନଦେଲେ ଛାଡିବୁ ନାହିଁ ବୋଲି ସେମାନେ କହିଥିଲେ ।