ପୁରୀ: ପ୍ରଶାସନର SOP ଅନୁଯାୟୀ ଆଜି(ରବିବାର) ଶ୍ରୀମନ୍ଦିରକୁ ସାନିଟାଇଜ କରାଯାଇଛି । ସକାଳୁ ଅଗ୍ନିଶମ କର୍ମଚାରୀ ଶ୍ରୀମନ୍ଦିର ଭିତରେ ଓ ବାହାରେ ସାନିଟାଇଜ କରିଛନ୍ତି । ଗାଇଡଲାଇନ ଅନୁଯାୟୀ ପ୍ରତ୍ୟେକ ସପ୍ତାହର ଶନିବାର ଓ ରବିବାର ଶ୍ରୀମନ୍ଦିରରେ ସାଧାରଣ ଦର୍ଶନ ବନ୍ଦ ରହିବା ସହ ସାନିଟାଇଜ କରାଯିବ ।
ତେବେ ଏହି ସୋମବାର ଜନ୍ମାଷ୍ଟମୀ ଥିବାରୁ ଭକ୍ତଙ୍କ ଗହଳି ଆଶଙ୍କାକୁ ଦୃଷ୍ଟିରେ ରଖି ସାଧାରଣ ଦର୍ଶନ ଉପରେ କଟକଣା ଲଗାଯାଇଛି । ମଙ୍ଗଳବାର ପୁଣି କୋଭିଡ ଗାଇଡଲାଇନ ଓ SOP ଅନୁଯାୟୀ ସାଧାରଣ ଦର୍ଶନ ଆରମ୍ଭ ହେବ । କୋଭିଡ ଡବଲ ଡୋଜ ଟିକା ସାର୍ଟିଫିକେଟ ଅବା 96 ଘଣ୍ଟାର RTPCR ନେଗେଟିଭ ରିପୋର୍ଟ ଦେଖାଇ ମହାପ୍ରଭୁଙ୍କ ଦର୍ଶନ କରିପାରିବେ ଭକ୍ତ । ଶୃଙ୍ଖଳିତ ଦର୍ଶନ ପାଇଁ ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା ହୋଇ ଥିବାବେଳେ ଭକ୍ତମାନେ ସକାଳ 7 ଟାରୁ ସନ୍ଧ୍ୟା 7ଟା ଯାଏଁ ଦର୍ଶନ କରିବା ସମୟ ରହିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
