ବାଲୁକାକୃତୀରେ ବ୍ୟାଡମିଣ୍ଟନ କ୍ବିନଙ୍କୁ ଶୁଭେଚ୍ଛା ଜଣାଇଲେ ସୁଦର୍ଶନ

ବ୍ୟାଡମିଣ୍ଟନ ଚାମ୍ପିୟନସିପରେ ସ୍ବର୍ଣ୍ଣ ଜିତି ଇତିହାସ ରଚିବା ପରେ ଶୁଭେଚ୍ଛାର ସୁଅ ଛୁଟୁଛି ପିଭି ସିନ୍ଧୁଙ୍କ ପାଖକୁ। ତେବେ ତାଙ୍କର ସଫଳତା ପାଇଁ ପୁରୀ ବେଳାଭୂମିରେ ବାଲୁକାକଳା କରି ଅଭିନନ୍ଦନ ଜଣାଇଛନ୍ତି ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ।

ଭୁବନେଶ୍ବର: ବାଲୁକା କଳାରେ ବ୍ୟାଡମିଣ୍ଟନ ଷ୍ଟାରଙ୍କୁ ଶୁଭେଚ୍ଛା । ପ୍ରଥମ ଭାରତୀୟ ଭାବେ ବିଶ୍ବ ବ୍ୟାଡମିଣ୍ଟନ ଚାମ୍ପିୟନସିପରେ ଦେଶ ପାଇଁ ସ୍ବର୍ଣ୍ଣ ପଦକ ଜିତିଛନ୍ତି ଭାରତର ଷ୍ଟାର ମହିଳା ଶଟଲର ପିଭି ସିନ୍ଧୁ। ଏଥିପାଇଁ ତାଙ୍କୁ ଚାରିଆଡୁ ଶୁଭେଚ୍ଛା ଛୁଟିବାରେ ଲାଗିଥିବାବେଳେ ନିଜ ବାଲୁକାକୃତିରେ ଶୁଭେଚ୍ଛା ଜଣାଇଛନ୍ତି ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ।

ପୁରୀ ବେଳାଭୂମିରେ ନିଜର ସୁନ୍ଦର ବାଲୁକା କଳା ପ୍ରଦର୍ଶନ କରି ପିଭି ସିନ୍ଧୁଙ୍କୁ ଶୁଭକାମନା ଜଣାଇଛନ୍ତି । ପୂର୍ବରୁ ଦୁଇଥର ଫାଇନାଲରେ ପରାସ୍ତ ହୋଇଥିବା ସିନ୍ଧୁ ତୃତୀୟ ଥର ପାଇଁ BWF ବିଶ୍ବ ବ୍ୟାଡମିଣ୍ଟନ ଚାମ୍ପିୟନସିପର ଫାଇନାଲରେ ପ୍ରବେଶ କରିଥିଲେ । ଯେଉଁଠି ସେ ଜାପାନର ନିଜୋମି ଓକୁହାରାଙ୍କୁ ପରାସ୍ତ କରି ଏହି ଟାଇଟଲ ହାତେଇ ନେଇଥିଲେ ।

ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ