ବାଲୁକା କଳାରେ ମକର ସଂକ୍ରାନ୍ତିର ଶୁଭେଚ୍ଛା ଜଣାଇଲେ ସୁଦର୍ଶନ

ପୁରୀ ବେଳାଭୂମିରେ ବାଲୁକାକଳାରେ ରଙ୍ଗ ବେରଙ୍ଗ ଗୁଡ଼ିର ପ୍ରତିକୃତିକୁ ସ୍ଥାନ ଦେଇଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । ମକର ସଂକ୍ରାନ୍ତିରେ ବିଭିନ୍ନ ରାଜ୍ୟର ଭିନ୍ନ ଭିନ୍ନ ପର୍ବ ପାଳନ କରୁଥିବା ବେଳେ ବାଲୁକା କଳାରେ ଏହା ସ୍ଥାନିତ କରିଛନ୍ତି ବାଲୁକାଶିଳ୍ପୀ ।

ପୁରୀ: ମକର ସଂକ୍ରାନ୍ତିକୁ ନେଇ ସାରା ଦେଶ ଉତ୍ସବ ମୁଖର ଓ ଚଳ ଚଞ୍ଚଳ। ଏହି ଅବସରରେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ସାରା ଦେଶ ବାସୀଙ୍କୁ ନିଜ ବାଲୁକା କଳା ମାଧ୍ୟମରେ ଶୁଭେଚ୍ଛା ଜଣାଇଛନ୍ତି।

ପୁରୀ ବେଳାଭୂମିରେ ବାଲୁକାକଳାରେ ସେ ରଙ୍ଗ ବେରଙ୍ଗ ଗୁଡ଼ିର ପ୍ରତିକୃତିକୁ ସ୍ଥାନ ଦେଇଛନ୍ତି। ସାରା ଦେଶବାସୀଙ୍କୁ ଏକ ସାଙ୍ଗରେ ମକର ସଂକ୍ରାନ୍ତି ସମେତ ବିଭିନ୍ନ ରାଜ୍ୟର ଆଞ୍ଚଳିକ ପର୍ବ ଲୋହରି, ପୋଙ୍ଗଲ , ଉତ୍ତରାୟଣ ଏବଂ ବିହୁ ପର୍ବର ଶୁଭେଚ୍ଛା ମଧ୍ୟ ସେ ଜଣାଇଛନ୍ତି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ