ପୁରୀ:ପବିତ୍ର ମହାଶିବରାତ୍ରି ଅବସରରେ ପୁରୀର ବାଲୁକା ଚିତ୍ର ଶିଳ୍ପୀ ମାନସ କୁମାର ସାହୁ ଗୋଆର ମୀରାମର ସମୁଦ୍ର ବେଳାଭୂମିରେ ନିର୍ମାଣ କରିଛନ୍ତି ପ୍ରଭୁ ଶିବଙ୍କ ବିଶାଳ ବାଲୁକା ମୂର୍ତ୍ତି । ଏହି ବାଲୁକା ମୂର୍ତ୍ତିରେ ପ୍ରଭୁ ଶିବ ଠାକୁର କୈଳାଶ ପର୍ବତ ଉପରେ ବସିଥିବାର ଦୃଶ୍ୟ ଦେଖାଇବା ସହିତ ନନ୍ଦୀଙ୍କର ଏକ ସୁନ୍ଦର ପ୍ରତିମୂର୍ତ୍ତି ନିର୍ମାଣ କରିଛନ୍ତି ବାଲୁକା ଚିତ୍ର ଶିଳ୍ପୀ ମାନସ ସାହୁ । ସେ ଏହି ବାଲୁକା କଳା ସହିତ ଦେଶବାସୀଙ୍କୁ ପବିତ୍ର ମହାଶିବରାତ୍ରିର ଶୁଭେଚ୍ଛା ଜଣାଇଛନ୍ତି । ଗୋଆ ମୁଖ୍ୟମନ୍ତ୍ରୀ ଓ ଯୋଗଗୁରୁ ରାମଦେବ ଏହି ବାଲୁକା କଳାର ଉଦଘାଟନ କରିଛନ୍ତି ।
ଏହି ବାଲୁକା କଳାକୁ ନିର୍ମାଣ କରିବାକୁ ମାନସ ସାହୁଙ୍କୁ ପ୍ରାୟ ୧୦ଘଣ୍ଟା ସମୟ ଲାଗିଥିଲା । ଏହି ବାଲୁକା ମୂର୍ତ୍ତିଟି ୭ ଫୁଟ ଲମ୍ବା ଏବଂ ୨୦ ଫୁଟ ଓସାର ବିଶିଷ୍ଟ ରହିଥିଲା । ଏଥିରେ ୨୦ ଟନ ବାଲି ବ୍ୟବହାର କରାଯାଇଛି । ଏଥିରେ "Happy Sivaratri " ଏବଂ "World Peace"ର ବାର୍ତ୍ତା ଦେଇଛନ୍ତି ବାଲୁକା ଚିତ୍ର ଶିଳ୍ପୀ ମାନସ । ଏହି ବାଲୁକା ଚିତ୍ର କଳାକୁ ଗୋଆର ମୁଖ୍ୟମନ୍ତ୍ରୀ ଡ. ପ୍ରମୋଦ ସାବନ୍ତ ଏବଂ ଯୋଗ ଗୁରୁ ରାମଦେବ ବାଲୁକା ଚିତ୍ରକଳାକୁ ଉଦଘାଟନ କରିଥିବା ଜଣାପଡିଛି ।
ଏହା ବି ପଢନ୍ତୁ- MahaShivratri: ଚିତ୍ରଶିଳ୍ପୀ ଆୟୁଷଙ୍କ ନିଆରା ଶୁଭେଚ୍ଛା, ୭ ମିନିଟରେ ମହାଦେବଙ୍କ ରିଭର୍ସ ପେଣ୍ଟିଂ