ପୁରୀ : ପୂରଣ ହେବାକୁ ଯାଉଛି ପୁରୀବାସୀଙ୍କ ଦୀର୍ଘବର୍ଷର ଦାବି । ପୁରୀକୁ ଏକ ବିଶ୍ବସ୍ତରୀୟ ସହର ଭାବେ ଗଢି ତୋଳିବା ପାଇଁ ମୁଖ୍ୟମନ୍ତ୍ରୀଙ୍କ ପରିକଳ୍ପନା ବାସ୍ତବରୂପ ନେବାକୁ ଯାଉଥିବା ବେଳେ ଏବେ ରାଜ୍ୟ ସରକାରଙ୍କ ଉଦ୍ୟମରୁ ମାଟିଆପଡା ଠାରେ ଓବରବ୍ରିଜ ନିର୍ମାଣ ପାଇଁ ଆରମ୍ଭ ହୋଇଛି ସର୍ବେକ୍ଷଣ ।
ରେଲୱେ ଓବରବ୍ରିଜ ସର୍ଭେ
ପୁରୀରୁ କୋଣାର୍କ ଯିବା ରାସ୍ତାରେ ସିଦ୍ଧ ମହାବୀର ରେଳ ଓଭରବ୍ରିଜ ପଡିଥାଏ । ଦୈନିକ ପୁରୀକୁ ଯିବା ଆସିବା ପାଇଁ 50 ଟି ଟ୍ରେନ ଯାଉଥିବାବେଳେ ପ୍ରତି ଅଧଘଣ୍ଟାରେ ଥରେ ଲେଖାଏଁ ରେଳ ଫାଟକ ପଡିଥାଏ | ଫଳରେ ରାସ୍ତାର ଦୁଇ ପାର୍ଶ୍ବରେ ହଜାର ହଜାର ଗାଡି ଅଟକି ରହିବା ସହ ଟ୍ରାଫିକ ସମସ୍ୟା ଉପୁଜିଥାଏ ।