ପୁରୀ: ଏମାର ମଠରେ ଥିବା ରଘୁନନ୍ଦନ ଲାଇବ୍ରେରୀର ଉନ୍ନତୀକରଣ ହେବ । ଅତ୍ୟାଧୁନିକ ଭାବେ ଲାଇବ୍ରେରୀକୁ ପ୍ରତିଷ୍ଠା କରାଯିବ । ଏଥିପାଇଁ ରାଜ୍ୟ ବାହାରୁ ଆସିବେ ଏକ୍ସପର୍ଟ ଟିମ । କିଭଳି ବିରଳ ବହି ଗୁଡିକ ସଂରକ୍ଷଣ କରିହେବ ସେ ନେଇ ଉଦ୍ୟମ କରାଯିବ ବୋଲି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୁରୀ ଜିଲ୍ଲାପାଳ ବଲବନ୍ତ ସିଂ ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ପୁରୀ
ଏମାର ମଠ ର ନୂଆ ଗୃହ ରେ ଏହି ରଘୁନନ୍ଦନ ଲାଇବ୍ରେରୀକୁ ପୁନଃ ପ୍ରତିଷ୍ଠା କରାଯିବା ନେଇ ସରକାରଙ୍କୁ ଅବଗତ କରାଯିବ । ତେବେ ସୂଚନା ଅନୁଯାୟୀ 5 ରୁ ଅଧିକ ମୂଲ୍ୟବାନ ବହି ରହିଛି ଏହି ଲାଇବ୍ରେରୀରେ । ତେବେ ସଠିକ ଗଣନା ପରେ କେତେ ବହି ରହିଛି ତାହା ଜଣାପଡିବ । ବହୁ ତାଳପତ୍ର ପୋଥି ଏଠାରେ ରହିଛି । ଲାଇବ୍ରେରୀ ନିୟମ ଅନୁଯାୟୀ ବହି ଗୁଡ଼ିକୁ ବିଭିନ୍ନ ବର୍ଗରେ ନାମ କରଣ କରାଯିବ ।