ପୁରୀ: ଓଡିଶାର ପୁରାତନ ରଘୁନନ୍ଦନ ଲାଇବ୍ରେରୀକୁ ଅନ୍ତର୍ଜାତୀୟ ସ୍ତରର ପାଠାଗାର କରାଯିବ । ରାଜ୍ୟ ସରକାର ଏଥିପାଇଁ 5 କୋଟି ଟଙ୍କା ଘୋଷଣା କରିଛନ୍ତି । ଏହି ଅର୍ଥରେ ରଘୁନନ୍ଦନ ଲାଇବ୍ରେରୀକୁ ବିଶ୍ବସ୍ତରୀୟ କରାଯିବ । ଜଗନ୍ନାଥ ସଂସ୍କୃତି ଗବେଷଣାର ଏକ ଉତ୍କର୍ଷ କେନ୍ଦ୍ର ଭାବେ ଏହି ଲାଇବ୍ରେରୀକୁ ଗଠନ କରାଯିବ । ଏମାର ମଠକୁ ନୂଆ ଜାଗାରେ ସ୍ଥାପନ କରିବା ପରେ ସେଠାରେ ଏହି ଲାଇବ୍ରେରୀ ପ୍ରତିଷ୍ଠା କରାଯିବ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଶ୍ରୀମନ୍ଦିର ଚାରିପଟେ ସୁରକ୍ଷା ଦୃଷ୍ଟିକୋଣରୁ ଏମାର ମଠର ଏହି ପୁରାତନ ଲାଇବ୍ରେରୀକୁ ଉଚ୍ଛେଦ କରାଯାଇଥିଲା । ପରବର୍ତ୍ତୀ ସମୟରେ ଜିଲ୍ଲା ପ୍ରଶାସନ ପାଠାଗାରର ବହି ଗୁଡିକୁ ସଂଗ୍ରହ କରି ସେଗୁଡିକର ସଂରକ୍ଷଣ ଓ ଡିଜିଟାଇଜେସନ କରିବା ନେଇ ବିଭିନ୍ନ ଏକ୍ସପର୍ଟଙ୍କୁ ନେଇ କାର୍ଯ୍ୟ ଆରମ୍ଭ କରିଛି । 1921 ମସିହାରେ ଏମାର ମଠର ମହନ୍ତ ଏହାକୁ ପ୍ରତିଷ୍ଠା କରିଥିଲେ ।