ପୁରୀ: ଦିନକୁ ଦିନ ପୁରୀ ସମୁଦ୍ରରେ ସ୍ନାନ ବିପଦ ଜନକ ହେବାରେ ଲାଗିଛି । ଗତ ଦୁଇ ସପ୍ତାହ ମଧ୍ୟରେ 2 ଜଣ ପର୍ଯ୍ୟଟକଙ୍କ ମୃତ୍ୟୁ ହୋଇ ଥିବା ବେଳେ 10ରୁ ଅଧିକ ପର୍ଯ୍ୟଟକ ଗୁରୁତର ହୋଇଛନ୍ତି । ପୁରୀ ସମୁଦ୍ରରେ ଏତେ ମାତ୍ରାରେ ଅଘଟଣ ଘଟୁଥିବା ବେଳେ ନିରବଦ୍ରଷ୍ଟା ସାଜିଛି ଜିଲ୍ଲା ପ୍ରଶାସନ । ତେଣୁ ସମୁଦ୍ରରେ ସୁରକ୍ଷା ବ୍ୟବସ୍ଥା ପାଇଁ ପୁରୀ ସାମାଜିକ ସଂଗଠନ ସଚେତନ ନାଗରିକ ମଞ୍ଚ ନେଇଛି ପଦକ୍ଷେପ ।
ସମୁଦ୍ର ସ୍ନାନ ସୁରକ୍ଷିତ କରିବା ନେଇ ଦାବି ପତ୍ର
ସମୁଦ୍ରରେ ଘଟୁଥିବା ଅଘଟଣକୁ ରୋକିବାକୁ କୌଣସି ବ୍ୟବସ୍ଥା ହେଉନାହିଁ । ଏହା ଦ୍ବାରା ଅନେକ ନିରୀହ ପର୍ଯ୍ୟଟକଙ୍କ ମୃତ୍ୟୁ ହେଉଥିବା ବେଳେ ପୁରୀ ବଦନାମ ହେଉଛି । ଏଥିରେ ହସ୍ତକ୍ଷେପ କରିବାକୁ ରାଜ୍ୟ ମାନବାଧିକାର କମିଶନଙ୍କ ଦୃଷ୍ଟି ଆକର୍ଷଣ କରିଛି ପୁରୀ ସାମାଜିକ ସଂଗଠନ ସଚେତନ ନାଗରିକ ମଞ୍ଚ । ମଞ୍ଚର ସଭାପତି ପ୍ରସନ୍ନ ଦାସ ଏନେଇ ଚିଠି ଦେଇ ମାନବାଧିକାର କମିସନଙ୍କୁ ଅବଗତ କରାଇଛନ୍ତି ।