ପୁରୀ: ରଥଖଳାରେ ଜୋରସୋରରେ ଚାଲିଛି ରଥନିର୍ମାଣ କାର୍ଯ୍ୟ। ତିନିରଥର ୨୬ ଟି ଚକ ଓ ୨୧ ଟି ଅଖ କାମ ଶେଷ ହୋଇଛି। ଏବେ ରଥର ଉପରିଭାଗ କାର୍ଯ୍ୟ ଆରମ୍ଭ ହେବା ସହ ରଥର ଓରା ଓ ଖମ୍ବି କାମ ଚାଲିଛି।
ତିନି ରଥର ୨୬ ଟି ଚକ ଓ ୨୧ ଟି ଅଖ କାମ ଶେଷ
ରଥରେ ଚାରୋଟି ଲେଖାଏଁ ଓରା ଓ ୮ ଟି ଲେଖାଏଁ ଖମ୍ବି ଲାଗିବ। ଏଥର ରଥ ଭୂଇଁ ନିର୍ମାଣରେ ଲାଗିବ। ତାଳଧ୍ବଜ ରଥର ୮ ଟି ଚକ ଓ ୭ ଟି ଅଖ, ଦେବଦଳନ ରଥର ୮ ଟି ଚକ ଓ ୬ ଟି ଅଖ ଏବଂ ନନ୍ଦିଘୋଷ ରଥର ୧୦ ଟି ଚକ ଓ ୮ ଟି ଅଖ କାମ ସରିଛି।
ବାକି ୧୬ ଟି ଚକନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି। ଭୋଇ ସେବକ ମାନେ ଜନ୍ତାଗାଡ଼ରେ ଅର ସହିତ ତୁମ୍ବ ସଂଯୋଗ କରି ରଥଖଳାରେ ପହଞ୍ଚାଉଛନ୍ତି। କାମର ସେବକମାନେ ଚାରିନାହାକା ପାଇଁ ଚଣାକ କଣ୍ଟା, ଗୟଳ ବାନ୍ଧେଣୀ ପାଇଁ ଯୋଖା, ଦୁଆରବନ୍ଧ ପାଇଁ ଅଗପାତେଳୀ କଣ୍ଟା, ଗୟଳ କଣ୍ଟା ଓ ସିଙ୍ଗଡ଼ା କଣ୍ଟା ତିଆରି କରୁଛନ୍ତି।