ପୁରୀ: ବିଶ୍ବବ୍ୟାପୀ କୋରୋନାର କୋପ ଜାରି ରହିଥିବା ବେଳେ ପୁରୀ ସହରର ପେଣ୍ଠକଟା ଅଞ୍ଚଳ ଏବେ ପ୍ରଶାସନର ମୁଣ୍ଡ ବ୍ୟଥାର କାରଣ ପାଲଟିଛି । ଉକ୍ତ ଅଞ୍ଚଳରୁ 21 ଜଣ କୋରୋନା ପଜିଟିଭ ବାହାରିବା ପରେ ପେଣ୍ଠକଟା ଅଞ୍ଚଳକୁ ସିଲ କରି କଣ୍ଟେନମେଣ୍ଟ ଜୋନ୍ ଘୋଷଣା କରିଛି ଜିଲ୍ଲା ପ୍ରଶାସନ ।
ଉକ୍ତ ଅଞ୍ଚଳର 24, 25, 31 ଓ 32 ନମ୍ବର ୱାର୍ଡକୁ କଣ୍ଟେନମେଣ୍ଟ ଅଞ୍ଚଳ କରାଯାଇ କଟକଣା ଜାରି କରାଯାଇଛି । ସେହି ଅଞ୍ଚଳର ଲୋକଙ୍କୁ ଘରୁ ନ ବାହାରିବାକୁ ଅନୁରୋଧ କରିଛନ୍ତି ଜିଲ୍ଲାପାଳ ବଲବନ୍ତ ସିଂ । ଏହି ପରିପ୍ରେକ୍ଷୀରେ ପ୍ରଶାସନ ପକ୍ଷରୁ ଅତ୍ୟାବଶ୍ୟକ ସାମଗ୍ରୀ ଯୋଗାଇ ଦେବା ପାଇଁ ବ୍ୟବସ୍ଥା ହୋଇଛି । ଏପରିକି ଉକ୍ତ ଅଞ୍ଚଳରେ ସ୍ୱାସ୍ଥ୍ୟ ବିଭାଗ ଟିମ ଘର ଘର ବୁଲି ସ୍ୱାସ୍ଥ୍ୟ ଅବସ୍ଥା ତଦାରଖ କରିବେ । ଯେଉଁମାନଙ୍କ କୋଭିଡ ଲକ୍ଷଣ ଦେଖାଯିବ ସେମାନଙ୍କୁ ତୁରନ୍ତ ସ୍ୱାସ୍ଥ୍ୟ ବିଭାଗ ଟିମକୁ ସହଯୋଗରେ ଚିକିତ୍ସା ହେବା ପାଇଁ ଜିଲ୍ଲାପାଳ ପରାମର୍ଶ ଦେଇଛନ୍ତି ।
9 ଦିନ ପାଇଁ କଣ୍ଟେନମେଣ୍ଟ ଜୋନ ହେଲା ପୁରୀ ପେଣ୍ଠକଟା ଅଞ୍ଚଳ