ସିଦ୍ଧମହାବୀର ରେଳ ଓଭରବ୍ରିଜ ନିର୍ମାଣ ଘଟଣା, ଜିଲ୍ଲାପାଲଙ୍କୁ ବିସ୍ଥାପିତଙ୍କ ଦାବିପତ୍ର

ପୁରୀ କୋଣାର୍କ ରାସ୍ତାର ସିଦ୍ଧମହାବୀର ରେଲୱେ ଫାଟକରେ ଏକ ରେଲୱେ ଓଭରବ୍ରିଜ ନିର୍ମାଣ ହେବାକୁ ଯାଉଛି । ଏନେଇ ସେଠାରେ ଥିବା ଦୋକାନକୁ ଉଛେଦ କରାଯିବ ବୋଲି ଘୋଷଣା କରାଯାଇଛି । ତେବେ ସ୍ଥାନୀୟ ଲୋକଙ୍କୁ ଥଇଥାନ ନକରି ଏପରି ହଠାତ ଉଛେଦ କରିବା ନେଇ ବିସ୍ଥାପିତମାନେ ଆନ୍ଦୋଳନ କରିଛନ୍ତି । ପଢନ୍ତୁ ସମ୍ପୂର୍ଣ୍ଣ ଖବର...

ପୁରୀ: ପୁରୀ କୋଣାର୍କ ରାସ୍ତାର ସିଦ୍ଧମହାବୀର ରେଲୱେ ଫାଟକରେ ଏକ ରେଲୱେ ଓଭରବ୍ରିଜ ନିର୍ମାଣ ନେଇ ସର୍ଭେ ଆରମ୍ଭ ହୋଇଛି । ତେବେ ଏଥିରେ ବିସ୍ଥାପିତ ହେବାକୁ ଥିବା ବ୍ୟବସାୟୀମାନେ ରାଜରାସ୍ତାକୁ ଓହ୍ଲାଇଛନ୍ତି । ସରକାର କୌଣସି ଥଇଥାନ ବ୍ୟବସ୍ଥା ନକରି ଯେଉଁ ଉଛେଦ ଆରମ୍ଭ ଯୋଜନା କରିଛନ୍ତି ତାକୁ ନେଇ ତୀବ୍ର ପ୍ରତିବାଦର ସ୍ବର ଉଠିଛି ।

ଏହାକୁ ନେଇ ଶହ ଶହ ବ୍ୟବସାୟୀ ପୁରୀ ଜିଲାପାଳଙ୍କ କର୍ଯ୍ୟାଳୟ ଆଗରେ ନିଜର ଦାବି ନେଇ ନାରାବାଜି ଦେଇଥିବା ବେଳେ ଜିଲାପାଳଙ୍କୁ ଏକ ଦାବି ପତ୍ର ଦିଆଯାଇଛି । 3 ଶହ ବ୍ୟବସାୟୀ ରେଲୱେ ଓଭର ବ୍ରିଜ ନିର୍ମାଣ ଯୋଗୁଁ କ୍ଷତିଗ୍ରସ୍ତ ହେଉଛନ୍ତି । ସେପଟେ ଶ୍ରୀମନ୍ଦିର ସୁରକ୍ଷା ଜୋନ ଉଛେଦ ବେଳେ ପ୍ୟାକେଜ ଅନୁଯାୟୀ ଥଇଥାନ କରିବାକୁ ବ୍ୟବସାୟୀ ଦାବି କରିଛନ୍ତି ।

ବର୍ତ୍ତମାନ ଏଠାରେ ଯେଉଁ ଦୋକାନ ରହିଛି ତାହା ମାଧ୍ୟମରେ ରୋଜଗାର ହୁଏ । ଆଉ ଏହି ଦୋକାନ ଯୋଗୁଁ ପରିବାର ପ୍ରତିପୋଷଣ ହୁଏ । ଯଦି ଏଗୁଡିକ ଉଛେଦ କରାଯାଏ ତେବେ କିଭଳି ନିଜ ପିଲାଙ୍କୁ ନେଇ ଘର ଚଳାଇବେ ବିସ୍ଥାପିତ ସେନେଇ ପ୍ରଶ୍ନ କରିଛନ୍ତି ଆନ୍ଦୋଳନକାରୀ ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ