ପୁରୀ: ବେଧଡ଼କ ଚାଲିଛି ଜୁଆ ଖେଳ । ପୁରୀ ସହର ସମେତ ଉପକଣ୍ଠ ଅଞ୍ଚଳରେ ବେଧଡକ ଭାବେ ଚାଲିଛି ଜୁଆ ଖେଳ। ହେଲେ ପୋଲିସ କିନ୍ତୁ ଏହାର ଟେର ପାଉନାହିଁ। ଏମିତି ଏକ ଜୁଆ ଖେଳ ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ପୁରୀ ଚନ୍ଦନପୁର ଥାନା ଅନ୍ତର୍ଗତ ପୋଲାଙ୍ଗତୋଟା ପଡିଆରେ ଜମୁଛି ଜୁଆଡିଙ୍କ ଆଡ୍ଡା। ସନ୍ଧ୍ୟା ହେଲେ ପାଲିରେ ପକାଯାଉଛି ଲକ୍ଷ ଲକ୍ଷ ଟଙ୍କା। ଏମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିବା ଦେଖିବାକୁ ମିଳିଛି।
ଭାଇରାଲ ହେଉଛି ଜୁଆ ଖେଳ ଭିଡ଼ିଓ
ଜଣେ ନୁହେଁ କି ଦୁଇଜଣ ନୁହେଁ ପ୍ରାୟ ୫୦ ରୁ ଅଧିକ ଜୁଆଡି ଏହି ଜୁଆ ଖେଳରେ ସାମିଲ ଥିବା ଦେଖିବାକୁ ମିଳିଛି। ଚାରଟି ଡିବି ଆଲୁଅରେ ସନ୍ଧ୍ୟାରୁ ବିଳମ୍ବିତ ରାତି ପର୍ଯ୍ୟନ୍ତ ଏହି ଜୁଆ ଆଡ୍ଡା ଚାଲୁଥିବା ଦେଖିବାକୁ ମିଳିଛି।