ପୁରୀ: ରାତି ପାହିଲେ ପ୍ରଥମ ପର୍ଯ୍ୟାୟ ପଞ୍ଚାୟତ ନିର୍ବାଚନ । ଏନେଇ ପୋଲିଂ ପାର୍ଟିଗୁଡିକ ନିଜ ନିଜ ବୁଥ୍ରେ ପହଞ୍ଚିବା ଆରମ୍ଭ କରିଛନ୍ତି । ପ୍ରତିଟି ଜିଲ୍ଲାରେ ନିର୍ବାଚନ ପ୍ରସ୍ତୁତି ଚୂଡାନ୍ତ ହୋଇଥିବାବେଳେ ପୁରୀ ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ସମସ୍ତ ପ୍ରସ୍ତୁତି ଶେଷ ହୋଇଛି । ଆସନ୍ତାକାଲି(ବୁଧବାର) ପୁରୀ ଜିଲ୍ଲାର କୃଷ୍ଣପ୍ରସାଦ, ବ୍ରହ୍ମଗିରି ଓ କଣାସ ବ୍ଲକରେ ପ୍ରଥମ ପର୍ଯ୍ୟାୟ ମତଦାନ ହେବ । ମୋଟ ୭୪ ପଞ୍ଚାୟତ, ୯୭୩ ୱାର୍ଡ ଓ ୮ଟି ଜିଲ୍ଲା ପରିଷଦ ଜୋନ ପାଇଁ ୩,୦୮,୨୪୧ଜଣ ମତଦାତା ମତଦାନ କରିବେ ।
କୃଷ୍ଣପ୍ରସାଦ ଚିଲିକା ମଧ୍ୟରେ ଥିବା ୧୪ଟି ପଞ୍ଚାୟତରେ ମତଦାନ ନିମନ୍ତେ ପୋଲିଂ ଦଳ ଯିବା ପାଇଁ ଡଙ୍ଗା ବ୍ୟବସ୍ଥା କରାଯାଇଛି । ଏଥିପାଇଁ ଚିଲିକା ଉନ୍ନୟନ କର୍ତ୍ତୃପକ୍ଷଙ୍କୁ ଦାୟିତ୍ଵ ଦିଆଯାଇଛି । ଏଥିସହ ଯନ୍ତ୍ର ଚାଳିତ ଡଙ୍ଗା ବ୍ୟବସ୍ଥା କରିବାକୁ କୃଷ୍ଣପ୍ରସାଦ ବିଡ଼ିଓଙ୍କୁ ନିର୍ଦ୍ଦେଶ ରହିଛି । କୃଷ୍ଣପ୍ରସାଦର ୨୧ ସରପଞ୍ଚ ଓ ସମିତି ସଭ୍ୟ, ୨୪୦ ୱାର୍ଡ ମେମ୍ବର ଓ ୨ଟି ଜିଲ୍ଲା ପରିଷଦ ଜୋନ୍ ଆସନ ପାଇଁ ଭୋଟ୍ ପଡିବ ।