ପୁରୀ: ସୁଧାରି ପାରିଲାନି ସୁପ୍ରିମକୋର୍ଟଙ୍କ ଛାଟ । ଏବେବି ଶ୍ରୀମନ୍ଦିରରେ ଶ୍ରଦ୍ଧାଳୁଙ୍କ ଠାରୁ ଦକ୍ଷିଣା ଆଦାୟ ନେଇ ଭକ୍ତଙ୍କୁ ଦୁର୍ବ୍ୟବହାର ସାମ୍ନା କରିବାକୁ ପଡୁଛି । ଏମିତି ଘଟଣା ଘଟିଛି ଶ୍ରୀମନ୍ଦିର ସିଂହଦ୍ବାର ସମ୍ମୁଖରେ । ଶ୍ରୀମନ୍ଦିରକୁ ଆସିଥିବା ଜଣେ ଭକ୍ତଙ୍କ ଠାରୁ ଅଣ ସେବାୟତ ଜୋର ଜବରଦସ୍ତ ଦକ୍ଷିଣା ଆଦାୟକୁ ନେଇ ସିଂହଦ୍ବାର ସମ୍ମୁଖରେ ଗଣ୍ଡଗୋଳ ଘଟିଛି ।
ଶ୍ରୀମନ୍ଦିରରେ ପୁଣି ଭକ୍ତଙ୍କୁ ଦୁର୍ବ୍ୟବହାର
ଘଟଣାକୁ ନେଇ ଉଭୟଙ୍କ ମଧ୍ୟରେ ବଚସା ଓ ହାତାହାତି ପରେ ମୁତୟନ ଜେଟିପି ପୋଲିସକୁ ଡକାଇ ଉକ୍ତ ଅଣସେବାୟତଙ୍କୁ ଜିମା ଦେଇଛନ୍ତି । ଅଭିଯୋଗ ଅନୁସାରେ ଜଣେ ଶ୍ରଦ୍ଧାଳୁ ନିଜ ପରିବାର ନେଇ ଶ୍ରୀମନ୍ଦିର ବୁଲିବାକୁ ଆସିଥିବା ବେଳେ ଅଣସେବାୟତ ଜଣକ ଦର୍ଶନ ଓ ଭୋଗ କରାଇଦେବା କହି ଜୋର ଜବରଦସ୍ତ ଭକ୍ତଙ୍କ ପକେଟରୁ ଟଙ୍କା ନେଇଯାଇଥିଲେ।