ବ୍ରହ୍ମଗିରି: ମା’ ବାଲି ହରଚଣ୍ଡୀ ପୀଠରେ ଭଙ୍ଗା ହେଲା ପୁରୁଣା ଛାତ। ବୁଧବାର ଏଠାରେ ଥିବା ବହୁ ବର୍ଷର ପୁରୁଣା ଜରାଜୀର୍ଣ୍ଣ ପୁରୁଣା କୋଠା ଗୁଡିକୁ ଜିଲ୍ଲାପାଳ ଙ୍କ ନିର୍ଦ୍ଦେଶରେ ଭଙ୍ଗା ଯାଇଛି। ତେବେ ଏବେ ନୂଆ କରି ତୋଳାଯାଇଥିବା ଗୃହରେ ମା’ଙ୍କ ସମସ୍ତ କାର୍ଯ୍ୟ ହେବ ।
ବ୍ରହ୍ମଗିରିର ପ୍ରସିଦ୍ଧ ପଯ୍ୟଟନସ୍ଥଳ ମା‘ ବାଲି ହରଚଣ୍ଡୀ ପୀଠର ହେବ ନବୀକରଣ । ଏଥିଲାଗି ଜରାଜୀର୍ଣ୍ଣ ଅବସ୍ଥାରେ ଥିବା ବହୁବର୍ଷ ତଳର ସମସ୍ତ ପୁରୁଣା କୋଠା ଭାଙ୍ଗିଦିଆଯାଇଛି । ଏହି ସବୁ ସ୍ଥାନରେ ମା’ଙ୍କ ନୀତିକାନ୍ତି କରାଯାଉଥିଲା ।
3ବର୍ଷ ତଳେ ସମନ୍ବିତ ଉପକୂଳ ପରିଚାଳନା ପ୍ରକଳ୍ପ ଦ୍ଵାରା 3 କୋଟି ଟଙ୍କା ବ୍ୟୟରେ ନୂତନ ରୋଷଶାଳ,ମାର୍କେଟ କମ୍ପ୍ଲେକ୍ସ ଓ ଯାତ୍ରୀ ଆଶ୍ରୟ ସ୍ଥଳ ଆଦି ନିର୍ମାଣ କାର୍ଯ୍ୟ ଶେଷ ହୋଇସାରିଛି। କିନ୍ତୁ ଏସବୁକୁ ଏଯାବତ କାର୍ଯ୍ୟକ୍ଷମ କରାଯାଇନଥିଲା । ଏପଟେ ନୀତିକାନ୍ତି ହେଉଥିବା ପୁରୁଣା ଘର ଗୁଡ଼ିକର ଅବସ୍ଥା ଫନି ବାତ୍ୟାରେ ଶୋଚନୀୟ ହୋଇ ଯାଇଥିଲା।
ଗତ 17 ତାରିଖରେ ପୁରୀ ଜିଲ୍ଲାପାଳ ବଳବନ୍ତ ସିଂ ମା’ଙ୍କ ପୀଠକୁ ପରି ଦର୍ଶନ ରେ ଆସିଥିବା ବେଳେ ସ୍ଥାନୀୟ ସେବାୟତ ମାନେ ଏହି ବିଷୟରେ ଜଣାଇଥିଲେ।
ଏହା ପରେ ଜିଲ୍ଲାପାଳଙ୍କ ନିର୍ଦ୍ଦେଶ ଅନୁଯାୟୀ ଆଜି(ବୁଧବାର) ପୀଠ ରୁ ପୁରୁଣା ଘର ଗୁଡ଼ିକ ଭାଙ୍ଗି ଦିଆଯାଇଛି। ଏଥି ସହିତ ମନ୍ଦିର ପରିଚାଳନା କମିଟିକୁ ଯଥା ଶୀଘ୍ର ନୂତନ ଗୃହ ଗୁଡ଼ିକ ହସ୍ତାନ୍ତର କରାଯିବ ବୋଲି ସୁଚନା ଦେଇଛନ୍ତି।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ