ପୁରୀ: ଲକଡାଉନ ହଟିବା ପରେ ରାଜ୍ୟରେ ସ୍ବାଭାବିକ ହେଉଛି ବସ ଚଳାଚଳ । ବୁଧବାର ପୁରୀରୁ ଘରୋଇ ବସ ଚଳାଚଳ ଆରମ୍ଭ ହୋଇଛି । ରାଜ୍ୟ ସରକାରଙ୍କ ଅନୁମତି ପରେ କୋଭିଡ ଗାଇଡ଼ ଲାଇନକୁ ପାଳନ କରାଯାଇ ଯାତ୍ରୀବାହି ବସ ସେବା ଆରମ୍ଭ ହୋଇଛି । ତେବେ ପୁରୀରୁ ଭୁବନେଶ୍ବର ଓ କଟକ ପାଇଁ 2-3 ଟି ବସ ପ୍ରାରମ୍ଭିକ ଭାବେ ଚଳାଚଳ ଆରମ୍ଭ କରିଛି । କୋଭିଡ ମହାମାରୀ ଭୁତାଣୁ ଭୟ ଯୋଗୁଁ ଏବେବି ଯାତ୍ରୀ ବସରେ ଯିବାକୁ ନିରାପଦ ମଣୁ ନଥିବା ହେତୁ ବସରେ ଯାତ୍ରୀ ସଂଖ୍ୟା କମ ରହିଛି ।
ଆରମ୍ଭ ହେଲା ଘରୋଇ ବସ ସେବା
ଅଗାମୀ ଦିନରେ ସ୍ୱାଭାବିକ ଅବସ୍ଥାକୁ ବସ ସେବା ଫେରିବ ବୋଲି ବସ ମାଲିକ ସଂଘ ଆଶା ରଖିଛି । କୋଭିଡ ଗାଇଡ଼ ଲାଇନ ଅନୁଯାୟୀ ଉଭୟ ବସ କର୍ମଚାରୀ ଓ ଯାତ୍ରୀ ମାସ୍କ ବ୍ୟବହାର ସହ ସାନିଟାଇଜର ବ୍ୟବହାର ଯାତ୍ରା ସମୟରେ କରିବା ପାଇଁ ବସ ମାଲିକ ସଂଘ ପକ୍ଷରୁ ବ୍ୟବସ୍ଥା ହୋଇଛି । ବସ ସେବା ଆରମ୍ଭ ହୋଇଥିବା ହେତୁ ଯାତ୍ରୀ ଓ ବସ କର୍ମଚାରୀ ଖୁସି ପ୍ରକଟ କରିଛନ୍ତି ।