ପୁରୀ: ଶ୍ରୀଗୁଣ୍ଡିଚା ଯାତ୍ରା ପରେ ବର୍ତ୍ତମାନ ଆଡପ ମଣ୍ଡପରେ ବିରାଜମାନ ଅଛନ୍ତି ଚତୁର୍ଦ୍ଧାମୂର୍ତ୍ତି । ଆଡପ ମଣ୍ଡପରେ ମହାପ୍ରଭୁଙ୍କ ଦର୍ଶନ ଲାଗି ଟିକା ନେଇସାରିଥିବା ବରିଷ୍ଠ ନାଗରିକଙ୍କୁ ଅନୁମତି ପାଇଁ ଦାବି ହୋଇଛି । ତେବେ ପୁରୀ ବିଜେପି ପକ୍ଷରୁ ସରକାରଙ୍କ ନିକଟରେ ଏହି ଦାବି କରାଯାଇଛି ।
ଟିକା ନେଇଥିବା ବରିଷ୍ଠ ନାଗରିକଙ୍କୁ ମହାପ୍ରଭୁଙ୍କ ଦର୍ଶନ ପାଇଁ ଦାବି କଲା ବିଜେପି
ସୁନାବେଶରେ ମଧ୍ୟ ମହାପ୍ରଭୁଙ୍କ ଦର୍ଶନ ଲାଗି ପୁରୀ ସହରବାସୀଙ୍କୁ ସୁଯୋଗ ଦିଆଯାଉ । ଗୋଟିଏ ୱାର୍ଡର ବ୍ୟକ୍ତିଙ୍କୁ ପର୍ଯ୍ୟାୟ କ୍ରମେ ଏହି ସୁବିଧା ପ୍ରଦାନ କରାଯାଉ ବୋଲି ପୁରୀ ବିଜେପି ଦାବି କରିଛି । ପୁରୀ ବିଧାୟକ ଜୟନ୍ତ ଷଡଙ୍ଗୀଙ୍କ ନେତୃତ୍ବରେ ଏକ ବିଜେପି ପ୍ରତିନିଧି ମଣ୍ଡଳୀ ପୁରୀ ଜିଲାପାଳଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି। ତେବେ ଜିଲ୍ଲାପାଳ ସରକାରଙ୍କ ସହ ଆଲୋଚନା କରି ଯାହା କିଛି ନିଷ୍ପତ୍ତି ନେବେ ବୋଲି କହିଥିବା ପୁରୀ ବିଧାୟକ ଗଣମାଧ୍ୟମକୁ ସୂଚନା ଦେଇଛନ୍ତି।