ନାଗା ସାଧୁଙ୍କ ଗିରଫକୁ ବିରୋଧ: ସମର୍ଥକଙ୍କ ବିକ୍ଷୋଭ ପ୍ରଦର୍ଶନ

ବ୍ରହ୍ମଗିରି ତହସିଲଦାରଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ । ନାଗା ସାଧୁଙ୍କୁ ନିର୍ଦ୍ଦୋଷରେ ଛାଡିବା ଦାବିରେ କରାଯାଇଛି ପ୍ରତିବାଦ । ଅଧିକ ପଢନ୍ତୁ...

ବ୍ରହ୍ମଗିରି: ନାଗା ସାଧୁଙ୍କୁ ଗିରଫ ଘଟଣାକୁ ନିନ୍ଦା କଲେ ସମର୍ଥକ । ପୁରୀ ଶ୍ରୀମନ୍ଦିରରୁ ନାଗା ସାଧୁ ବୈଷ୍ଣବ ପୁରିଙ୍କୁ ଗିରଫ ଘଟଣାକୁ ନିନ୍ଦାକରି ତାଙ୍କୁ ନିର୍ଦ୍ଦୋଷରେ ଛାଡିବାକୁ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ ।

ତେବେ ଆଜି(ଶୁକ୍ରବାର) ମାନବାଧିକାର ସୁରକ୍ଷା ସଙ୍ଘ ଏନେଇ ବ୍ରହ୍ମଗିରି ତହସିଲଦାରଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ପୁରୀ ଜିଲ୍ଲାପାଳଙ୍କ ଉଦ୍ଦେଶ୍ୟରେ ତହସିଲଦାଲ କାହ୍ନୁଚରଣ ଘଡେଇଙ୍କୁ ଦାବିପତ୍ର ପ୍ରଦାନ କରାଯାଇଛି । ତୁରନ୍ତ ନାଗା ସାଧୁଙ୍କୁ ମୁକ୍ତ କରିବାକୁ ଦାବି କରିଛି ସଙ୍ଘ । ତେବେ ଗତ 14 ତାରିଖରେ ଶ୍ରୀମନ୍ଦିର ରୋହିଣୀ କୁଣ୍ଡ ଉପରେ ଥିବା ପଟାକୁ ଫିଙ୍ଗିବା ଅଭିଯୋଗରେ ପୋଲିସ ତାଙ୍କୁ ନିର୍ଦ୍ଧୁମ ମାଡ ମାରିବା ସହ ଗିରଫ କରିଥିଲା । ତାଙ୍କୁ ଗିରଫ ପରେ ପୋଲିସ ପାଗଳର ଆଖ୍ୟାଦେଇ କଟକ ବଡ ମେଡିକାଲର ମାନସିକ ଓ୍ବାର୍ଡରେ ଭର୍ତ୍ତି କରିଥିଲା, ଯାହାକୁ ତୀବ୍ର ନିନ୍ଦା କରିଛନ୍ତି ସମର୍ଥକ ।

ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ