ପୁରୀ: ଶ୍ରୀମନ୍ଦିରରେ ଆଜି(ଶନିବାର) ହେବ ପ୍ରଳମ୍ବାସୁର ବଧ ବେଶ । ଭାଦ୍ରବ ମାସ କୃଷ୍ଣ ପକ୍ଷ ଦ୍ବାଦଶୀ ତିଥିରେ ଏହି ନୀତି ଅନୁଷ୍ଠିତ ହେବାର ବିଧି ରହିଛି । ଏହି ଦିନ ଶ୍ରୀମନ୍ଦିରରେ ବଡ଼ ଠାକୁର ଶ୍ରୀବଳଭଦ୍ରଙ୍କର ପ୍ରଳମ୍ବାସୁର ବଧ ବେଶ ଅନୁଷ୍ଠିତ ହୋଇଥାଏ ।
ପ୍ରଥମେ ଶ୍ରୀଜିଉମାନଙ୍କ ମଧ୍ୟାହ୍ନ ଧୂପ ସମାପ୍ତି ପରେ ଏହି ବେଶ ହୋଇଥାଏ । ପ୍ରଳମ୍ବାସୁର ଆଖ୍ୟାୟିକା ସମ୍ପର୍କରେ ପୁରାଣରେ ବର୍ଣ୍ଣନା ଅନୁଯାୟୀ ଛଦ୍ମ ବେଶରେ ପ୍ରଳମ୍ବାସୁର ନାମକ ଏକ ରାକ୍ଷସ ରାଜା କଂସଙ୍କ ନିର୍ଦ୍ଦେଶ କ୍ରମେ ପ୍ରଭୁ ବଳରାମ ଓ କୃଷ୍ଣଙ୍କୁ ମାରିବାକୁ ଆସି ନିଜେ ବଧ ହୋଇଥିଲା ।