ପୁରୀ: ପୁରୀ ଗସ୍ତରେ ରାଜ୍ୟ ପୋଲିସ ଡିଜିପି ଅଭୟ ଯାଇ ରଥଯାତ୍ରା ସୁରକ୍ଷା ବ୍ୟବସ୍ଥାର ଅନୁଧ୍ୟାନ କରିଛନ୍ତି। ଗତବର୍ଷ ପୁରୀ ସହରବାସୀ ବିନା ଭକ୍ତରେ ରଥଯାତ୍ରା ନେଇ ପୋଲିସ ପ୍ରଶାସନକୁ ଅକୁଣ୍ଠା ସହଯୋଗ କରିଥିଲେ। ଏବର୍ଷ ମଧ୍ୟ ସହରବାସୀଙ୍କ ସହଯୋଗ କାମନା କରିଛନ୍ତି ।
ରଥଯାତ୍ରା ସୁରକ୍ଷା ବ୍ୟବସ୍ଥା ସମୀକ୍ଷା କଲେ ପୋଲିସ ଡିଜିପି
ଏସପି ସୁରକ୍ଷା ବ୍ୟବସ୍ଥାକୁ ନେଇ ବ୍ଲୁପ୍ରିଣ୍ଟ ପ୍ରସ୍ତୁତ କରିଛନ୍ତି । ଆଉ ଦିନେ ଦୁଇଦିନ ମଧ୍ୟରେ ଚୂଡାନ୍ତ ସୁରକ୍ଷା ବ୍ୟବସ୍ଥା ସ୍ପଷ୍ଟ ହେବ । ଲୋକେ ଘରେ ବସି ଟିଭି ଓ ମୋବାଇଲ ମାଧ୍ୟମରେ ରଥଯାତ୍ରା ଦେଖିବାକୁ ଡିଜିପି ଅପିଲ କରିଛନ୍ତି । ଡିଜିପିଙ୍କ ସହ ଅତିରିକ୍ତ ଡିଜି ରାଧାକୃଷ୍ଣ ଶର୍ମା, ଗୁଇନ୍ଦା ବିଭାଗ ନିର୍ଦ୍ଦେଶକ ଲଳିତ ଦାସ, କେନ୍ଦ୍ରାଞ୍ଚଳ ଡ଼ିଆଇଜି ନରସିଂହ ଭୋଳ, ଗୁଇନ୍ଦା ବିଭାଗ ଡିଆଇଜି ଅନୁପ ସାହୁ, ଏସପି କେ. ବିଶାଳ ସିଂ ପ୍ରମୁଖ ରଥଯାତ୍ରା ସୁରକ୍ଷା ବ୍ୟବସ୍ଥାର ସମୀକ୍ଷା କରିଥିଲେ।