ବ୍ରହ୍ମଗିରି: ସ୍ବାଧୀନତାର 73 ବର୍ଷ ପରେ ବି ଗାଁକୁ ଯିବାକୁ ରାସ୍ତାଟିଏ ନାହିଁ । ଟିକେ ବର୍ଷା ହେଲେ ବୁଡି ଯାଉଛି ଗନ୍ତବ୍ୟ ବାଟ । ଫଳରେ ଅଣ୍ଟାଏ ଅଣ୍ଟାଏ ପାଣିରେ ବୁଡି ଯିବା ଆସିବା କରିବା ସହ ଗରାରେ ପାଣି ବୋହୁଛନ୍ତି ଗାଁ ଲୋକେ । ଏ ହେଉଛି ବ୍ରହ୍ମଗିରି ବ୍ଲକ ଘଟକୁଡି ପଞ୍ଚାୟତ ଗୌଡରଣପଡା ବଡ ହରିଜନ ସାହିର ଅବସ୍ଥା । ଯେଉଁଠାରେ ରାସ୍ତା ନଥିବାରୁ ହଇରାଣ ହେଉଛନ୍ତି ନିର୍ଭରଶୀଳ 20 ପରିବାର ।
ଭିଡିଓ ସୌଜନ୍ୟ: ପ୍ରତିନିଧି, ବ୍ରହ୍ମଗିରି
ବିକାଶ ନାଁରେ ରାଜ୍ୟ ସରକାର ଡିଣ୍ଡିମ ପିଟୁଥିବା ବେଳେ ପ୍ରତି ଗାଁକୁ ଗମନାଗମନ ପାଇଁ ରାସ୍ତା ନାମରେ ଖର୍ଚ୍ଚ କରିଛନ୍ତି କୋଟି କୋଟି ଟଙ୍କା । ହେଲେ ଏହି ଗାଁରେ ସବୁ ଯୋଜନା ଯେମିତି ଏକପ୍ରକାର ଫେଲ ମାରିଛି । ଫଳରେ ବର୍ଷକୁ 8 ମାସ ବିଲ ମଝି ଦେଇ ଲୋକେ ଯିବା ଆସିବା କରୁଥିବା ବେଳେ ବର୍ଷା ଦିନେ ଆଣ୍ଠୁଏ ପାଣିରେ ବୁଡି ଗମନାଗମନ କରନ୍ତି । ଗାଁର ଏହି ନିତିଦିନିଆ ଅସୁବିଧା ପାଇଁ ଛାତ୍ରଛାତ୍ରୀମାନେ ପାଣିରେ ପଶି ସ୍କୁଲ କଲେଜ ଯିବା ସହ ରୋଗୀମାନେ ବି ଏହି ବାଟ ଦେଇ ଯାଆନ୍ତି ମେଡିକାଲ ।