ବ୍ରହ୍ମଗିରି: କୋରୋନା ଏବେ ତାର ଉଗ୍ର ରୂପ ଦେଖାଇ ଚାଲିଥିବା ବେଳେ ତଥାପି ସାବାଡ ହେଉନାହାନ୍ତି ଲୋକେ । କୋଭିଡ କଟକଣାକୁ ନମାନି ଲୁଚି ଛପି ଦୋକାନ ଖୋଲୁଛନ୍ତି ଏବେବି କିଛି ଅମାନିଆ । ଯାହାକୁ ନେଇ କଠୋର ହୋଇଛି ପ୍ରଶାସନ । ତେବେ ପୁରୀ ବ୍ରହ୍ମଗିରିରେ ପ୍ରତିଦିନ 20 ରୁ ଉର୍ଦ୍ଧ ଆକ୍ରାନ୍ତ ଚିହ୍ନଟ ହେଉଛନ୍ତି । କିନ୍ତୁ ଲୋକମାନେ କୋଭିଡ କଟକଣାକୁ ନ ମାନି ବଜାର ଘାଟରେ ପ୍ରତିଦିନ ଭିଡ଼ ଜମାଉଛନ୍ତି । ସରକାରଙ୍କ କୋହଳ ନିୟମର ଫାଇଦା ଉଠାଇ ଵ୍ରହ୍ମଗିରିରେ କଟକଣା ଯୁକ୍ତ ଦୋକାନଗୁଡ଼ିକ ଲୁଚି ଛପି ଖୋଲା ହେଉଥିବା ଦେଖିବାକୁ ମିଳୁଛି ।
କୋଭିଡ କଟକଣାକୁ ମାନୁ ନାହାନ୍ତି ଲୋକେ, ଦୋକାନ ସିଲ କଲା ପୋଲିସ
ଏପଟେ ବାଇକ ପାଇଁ ବାରଣ ଥିବା ବେଳେ ଅମାନିଆମାନେ ଗାଡି ଧରି ଦିନ ତମାମ ଏଣେ ତେଣେ ପଈଁତରା ମରୁଛନ୍ତି । ପୋଲିସ ଫାଇନ କାଟ ମଧ୍ୟ ଲୋକଙ୍କ ଉପରେ କିଛି ପ୍ରଭାବ ପକାଉ ନାହିଁ । ତେବେ ରବିବାର ସନ୍ଧ୍ୟା ସମୟରେ ବନ୍ଧକେରା ନିକଟରେ ଏକ ସେଲୁନ ଖୋଲି ବେଧଢକ ବେପାର କରୁଥିବା ଖବରପାଇ ଦୋକାନକୁ ସିଲ କରିଛି ପୋଲିସ ।