ପୁରୀ: ଦିଆସିଲି କାଠିରେ ଛାତ୍ରଙ୍କ ଅଦ୍ଭୁତ କଳାକୃତି । ଶନିବାର ବିଶ୍ବ ରେଡିଓ ଦିବସ ଅବସରରେ ପୁରୀର ଶାଶ୍ବତ ରଞ୍ଜନ ସାହୁ ନାମକ ଏକ ଛାତ୍ର ଦିଆସିଲି କାଠି ବ୍ୟବହାର କରି 1980 ମସିହାର ପାନାସୋନିକ ରେଡିଓର ଏକ ପ୍ରତିକୃତି ତିଆରି କରିଛନ୍ତି । ଏହି ନିର୍ମାଣ ପାଇଁ ତାଙ୍କୁ ମୋଟ 4 ଦିନ ସମୟ ଲାଗିଛି ଏବଂ ଏଥିରେ 3 ହଜାର 130ଟି କାଠି ବ୍ୟବହୃତ ହୋଇଥିବା ସେ ପ୍ରକାଶ କରିଛନ୍ତି ।
ଦିଆସିଲି କାଠିରେ ପାନାସୋନିକ ରେଡିଓ ତିଆରି କଲେ ଛାତ୍ର
18 ବର୍ଷୀୟ ଶାଶ୍ବତ +3 ପ୍ରଥମ ବର୍ଷର ଛାତ୍ର ଅଟନ୍ତି । ଦିଆସିଲ କାଠିରେ ଏହି ନିଆରା କଳାକୃତି ତିଆରି କରି 'ମୁଁ ସମସ୍ତ ରେଡିଓ ପ୍ରୋଗ୍ରାମକୁ ସମର୍ଥନ କରେ ଏବଂ ନିୟମିତ ଭାବରେ ରେଡିଓ କାର୍ଯ୍ୟକ୍ରମ ଶୁଣିବାକୁ ଲୋକଙ୍କୁ ଅନୁରୋଧ କରେ' ବୋଲି କହିଛନ୍ତି ଛାତ୍ର ଶାଶ୍ବତ ।