ପହଣ୍ଡିରେ ଆସୁଛନ୍ତି ବଡଠାକୁର ବଳଭଦ୍ର ଓ ମା' ସୁଭଦ୍ରା

ପହଣ୍ଡିରେ ଆସୁଛନ୍ତି ବଡ ଠାକୁର ବଳଭଦ୍ର । ଘଣ୍ଟଘଣ୍ଟାର ଶବ୍ଦରେ ବଡଦାଣ୍ଡରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି ।

ପୁରୀ: ପ୍ରଭୁ ଶ୍ରୀ ବଳଭଦ୍ରଙ୍କ ପହଣ୍ଡି ଆରମ୍ଭ ହୋଇଛି । ପ୍ରଥମେ ଚକ୍ରରାଜ ସୁଦର୍ଶନଙ୍କୁ ମା’ ସୁଭଦ୍ରାଙ୍କ ‘ଦେବଦଳନ’ ରଥରେ ସ୍ଥାପନା କରିବା ପରେ ବଡ଼ଠାକୁର ଶ୍ରୀ ବଳଦେବଙ୍କୁ ପହଣ୍ଡିରେ ଶ୍ରୀମନ୍ଦିରରୁ ରଥାରୁଢ଼ ପାଇଁ ଅଣାଯାଉଛି ।

ଅନ୍ୟପକ୍ଷରେ ମା' ସୁଭଦ୍ରା ମଧ୍ୟ ସେବାୟତଙ୍କ କାନ୍ଧରେ ପହଣ୍ଡି ହୋଇ ଆସୁଛନ୍ତି । ବାହୁଡା ଯାତ୍ରା ଅବସରରେ ବଡଦାଣ୍ଡ ଜନ ସମୁଦ୍ରରେ ପରିଣତ ହୋଇଥିବା ବେଳେ ଘଣ୍ଟଘଣ୍ଟାର ଶବ୍ଦରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ