ପୁରୀ: ପିପିଲି ଟୋଲଗେଟ ନିକଟରେ ବସ୍ ଦୁର୍ଘଟଣା । ଭୁବନେଶ୍ବରରୁ ଅସ୍ତରଙ୍ଗ ଯାଉଥିବା ଶାରଳା ନାମକ ଏକ ଘରୋଇ ବସ ଭାରସାମ୍ୟ ହରାଇ ଡିଭାଇଡର ପିଟି ହୋଇ ଯିବାରୁ ଓଲଟି ପଡ଼ିଥିଲା । ତେବେ ଦୁର୍ଘଟଣାରେ ବସ୍ର ହେଲପରଙ୍କର ମୃତ୍ୟୁ ହୋଇଥିବାବେଳେ ୨୦ରୁ ଅଧିକ ଯାତ୍ରୀ ଆହତ ହୋଇଥିବା ସୂଚନା ମିଳିଛି ।
ପିପିଲିରେ ଓଲଟିଲା ଶାରଳା ବସ୍, ଭୁବନେଶ୍ବରରୁ ଯାଉଥିଲା ଅସ୍ତରଙ୍ଗ - ପୁରୀରେ ବସ ଦୁର୍ଘଟଣା
ପୁରୀ-ପିପିଲି ଟୋଲଗେଟ ନିକଟରେ ଓଲଟିଲା ବସ୍ । ଭୁବନେଶ୍ବରରୁ ଅସ୍ତରଙ୍ଗ ଯାଉଥିବା ଶାରଳା ନାମକ ଏକ ଘରୋଇ ବସ ଓଲଟିବା ଫଳରେ ହେଲପରଙ୍କର ମୃତ୍ୟୁ ଘଟିଛି । ୨୦ରୁ ଅଧିକ ଯାତ୍ରୀ ଆହତ ହୋଇଥିବା ସୂଚନା । ଅଧିକ ପଢ଼ନ୍ତୁ
ପିପିଲି ଟୋଲଗେଟ୍ ନିକଟରେ ଓଲଟିଲା ବସ: ୧ ମୃତ, ୨୦ରୁ ଉର୍ଦ୍ଧ୍ବ ଆହତ
ସୂଚନା ଅନୁସାରେ, ଭୁବନେଶ୍ବରରୁ ଅସ୍ତରଙ୍ଗ ଅଭିମୁଖେ ଆସୁଥିବା ଶାରଳା ନାମକ ବସ ରାସ୍ତାରେ ଏକ କାରକୁ ଓଭର ଟେକ୍ କରି ଆଗକୁ ଆସୁଥିବାବେଳେ ଡିଭାଇଡରରେ ପିଟି ହୋଇ ଓଲଟି ପଡିଥିଲା । ଦୁର୍ଘଟଣା ଦେଖି ସ୍ଥାନୀୟ ଲୋକମାନେ ବସ୍ରୁ ଯାତ୍ରୀଙ୍କୁ ଉଦ୍ଧାର କରି ମେଡିକାଲ ପଠାଇଥିଲେ । ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଉଦ୍ଧାର କାର୍ଯ୍ୟକୁ ଜୋରଦାର କରିବା ସହ ଆହତଙ୍କ ଆଶୁ ଚିକିତ୍ସା ପାଇଁ ପ୍ରଥମେ ପିପିଲି ମେଡିକାଲରେ ଭର୍ତ୍ତି କରିଥିଲା ପୋଲିସ । ସେଠାରୁ କିଛି ଆହତଙ୍କୁ କ୍ୟାପିଟାଲ ହସ୍ପିଟାଲ ପଠେଇ ଦିଆଯାଇଥିବା ସୂଚନା ମିଳିଛି ।
ଇଟିଭି ଭାରତ, ପୁରୀ