ପୁରୀ: ବେଆଇନ ଦେଶୀ ମଦ କାରବାର ଅଭିଯୋଗରେ ପୁରୀ କୃଷ୍ଣପ୍ରସାଦ ପୋଲିସ ଜଣେ ବ୍ୟକ୍ତିକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ଗଞ୍ଜାମ ରମ୍ଭା ଥାନା ଅଞ୍ଚଳର ପ୍ରତାପ ବିଶ୍ବାଳ । ଅଭିଯୁକ୍ତ ଠାରୁ 41 ଲିଟର ଦେଶୀ ମଦ ସମେତ ଏକ କାର ଜବତ କରିଛି ପୋଲିସ ।
ମିଳିଥିବା ପୋଲିସର ସୂଚନା ଅନୁଯାୟୀ, ଅଭିଯୁକ୍ତ ଜଣଙ୍କ କୃଷ୍ଣପ୍ରାସାଦ ଅଞ୍ଚଳରେ ବେଆଇନ ଦେଶୀମଦ କାରବାର କରୁଥିଲା । ଏନେଇ ପୋଲିସକୁ ଖବର ମିଳିବା ପରେ ପୋଲିସ ପକ୍ଷରୁ ଚଢ଼ାଉ କରାଯାଇଥିଲା । ଅଭିଯୁକ୍ତକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।