ପୁରୀ: ନଦୀ ସୁଅରେ ଭାସିଯାଉଥିବାବେଳେ ବୃଦ୍ଧା ଉଦ୍ଧାର । ଏଭଳି ଘଟଣାଘଟିଛି ପୁରୀ ସାକ୍ଷୀଗୋପାଳ ଭାର୍ଗବୀ ନଦୀରେ । ବୃଦ୍ଧା ଜଣଙ୍କ ନଦୀର ସୁଅରେ ଭାସିଯାଉଥିବାବେଳେ ସୁଆଣ୍ଡୋ ବ୍ରିଜ ନିକଟରୁ ସ୍ଥାନୀୟ ବଳପୁର ଗ୍ରାମର ୨ଜଣ ନାଉରିଆ ଓ ଯୁବକମାନେ ଶୁକ୍ରବାର ଅପରାହ୍ନରେ ଉଦ୍ଧାର କରିଛନ୍ତି । ଉଦ୍ଧାର ହୋଇଥିବା ବୃଦ୍ଧା ଜଣଙ୍କ ଘର ବଳଙ୍ଗା ଥାନା ଅଞ୍ଚଳ ବାଲିଗାଁର ସ୍ବର୍ଗତ ଜଦୁଆ ଵେହେରାଙ୍କ ପତ୍ନୀ କନକ ଵେହେରା ବୟସ (୬୩) ବର୍ଷ ବୋଲି ଜଣାପଡିଛି ।
ନଦୀ ବନ୍ଧ ଉପରୁ ଭାର୍ଗବୀର ବନ୍ୟା ପରିସ୍ଥିତି ଦେଖୁଥିବା କିଛି ସ୍ଥାନୀୟ ଯୁବକ ଏହି ଵୃଦ୍ଧା ନଦୀ ସୁଅରେ ଭାସି ଯାଉଥିବା ଦେଖିବା କ୍ଷଣି ଵନ୍ଧ ଉପରେ ହୋହଲ୍ଲା କରି ତାଙ୍କୁ ପିଛା କରିଥିଲେ। ବଳପୁର ଘାଟରେ ଡ଼ଙ୍ଗା ରଖିଥିବା ସେହି ଗ୍ରାମର ନାଉରିଆ ଧବଳେଶ୍ୱର ବେହେରା ଓ ବ୍ରଜକିଶୋର ବେହେରା ଏହି ଅଘଟଣ ଦେଖି ଯୁବକଙ୍କ ସହ ସୁଅ ମୁହଁରେ ଭାସିଯାଉଥିବା ଵୃଦ୍ଧାଙ୍କୁ ଉଦ୍ଧାର କରିଥିଲେ । ଏହା ପରେ ତାଙ୍କୁ ସାକ୍ଷୀଗୋପାଳ ଡାକ୍ତରଖାନାକୁ ଚିକିତ୍ସା ନିମନ୍ତେ ପଠାଇ ଥିଲେ । ଏବେ ସେ ସୁସ୍ଥ ଅଛନ୍ତି । ଖବର ପାଇ ଡାକ୍ତରଖାନାରେ ବୃଦ୍ଧାଙ୍କ ପୁଅ ସନାତନ ପହଞ୍ଚି ମା' ଙ୍କୁ ଘରକୁ ନେଇଛନ୍ତି ।