ପୁରୀ: ରାଜ୍ୟର ବିଭିନ୍ନ ଜିଲ୍ଲାରେ କୋରୋନା ଦୃତ ଗତିରେ ନିଜର କାୟା ବିସ୍ତାର କରଛି । ରାଜ୍ୟରେ ପ୍ରତିଦିନ ଶହ ଶହ ସଂଖ୍ୟାରେ କୋରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ଯାହାକୁ ଦୃଷ୍ଟିରେ ରଖି ସମସ୍ତ ଜିଲ୍ଲା ପ୍ରଶାସନ ନିଜ ନିଜ ଜିଲ୍ଲାରେ ସଚେତନତା ସୃଷ୍ଟି କରିବା ପାଇଁ ଯଥା ସମ୍ଭବ ପ୍ରୟାସ କରୁଛନ୍ତି । ତେବେ ପୁରୀ ସହରରେ ମଧ୍ୟ କୋଭିଡ ପଜିଟିଭ ସଂଖା ବଢ଼ିବାରେ ଲାଗିଛି। ପୁଟି ମ୍ୟୁନିସିପାଲିଟି ଅଞ୍ଚଳରେ 158ଟି କୋଭିଡ ପଜିଟିଭି ଏପର୍ଯ୍ୟନ୍ତ ଚିହ୍ନଟ ହୋଇଛନ୍ତି। ସେଥି ମଧ୍ୟରୁ 110ଟି ଆକ୍ଟିଭ କେସ ରହିଛି। ସେହିପରି ପୁରୀର ପେଣ୍ଠକଟା ଅଞ୍ଚଳରେ ସର୍ବାଧିକ 47ଟି ଆକ୍ଟିଭ କେସ ରହିଛି। 21ଟି କଣ୍ଟେନମେଣ୍ଟ ଜୋନ ରହିଛି। ତେବେ ପୁରୀ ବାସୀଙ୍କୁ କୋଭିଡ ସଂକ୍ରମଣରୁ ରୋକିବା ପାଇଁ କଣ୍ଟେନମେଣ୍ଟ ଅଞ୍ଚଳ କରାଯାଇଛି। ଏଥିରେ ନିୟମ ମାନି ସହଯୋଗ କରିବାକୁ ପ୍ରଶାସନ ପକ୍ଷରୁ ଅନୁରୋଧ କରାଯାଇଛି।
ପୁରୀରେ ବଢୁଛି କୋରୋନା ସଂଖ୍ୟା, ସଚେତନ କଲା ପ୍ରଶାସନ