ଅଲୋଡା ନବଜାତକ, ରାସ୍ତା କଡରୁ ଶିଶୁ ପୁତ୍ରର ମୃତଦେହ ଉଦ୍ଧାର

ପୁରୀ ଜିଲ୍ଲା ସାମୁଦ୍ରିକ ଥାନା ଗୋପୀନାଥପୁର ଭୋଇସାହିରୁ ମୃତ ନବଜାତ ଶିଶୁର ମୃତଦେହ ଉଦ୍ଧାରକଲା ସାମୁଦ୍ରିକ ଥାନା ପୋଲିସ । ଅଧିକ ପଢନ୍ତୁ...

ବ୍ରହ୍ମଗିରି:ଶିଶୁକନ୍ୟା ପରେଅଲୋଡା ହେଲା ଶିଶୁପୁତ୍ର, ରାସ୍ତା କଡରୁ ନବଜାତ ଶିଶୁପୁତ୍ରର ମୃତଦେହ ଉଦ୍ଧାର । ପୁରୀ ଜିଲ୍ଲା ସାମୁଦ୍ରିକ ଥାନା ଗୋପୀନାଥପୁର ଭୋଇସାହିରୁ ମୃତ ନବଜାତ ଶିଶୁକୁ ଉଦ୍ଧାର କରିଛି ସାମୁଦ୍ରିକ ଥାନା ପୋଲିସ ।

ମିଳିଥିବା ସୂଚନା ଅନୁଯାୟୀ ଗତକାଲି ସକାଳ ସମୟରେ ଗୋପୀନାଥପୁର ଭୋଇସାହି ନିକଟରେ ଏକ ନବଜାତର ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏନେଇ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି । ତେବେ କିଏ ଓ କାହିଁକି ଶୁଶୁପୁତ୍ରଟିକୁ ଏପରି ଅବସ୍ଥାରେ ଫୋପାଡି ଚାଲିଗଲା ସେନେଇ କିଛି ସୂଚନା ମିଳିପାରିନାହିଁ । ଏନେଇ ପୋଲିସ ପଚରାଉଚରା କରୁଥିବା ବିଶେଷ ସୂତ୍ରରୁ ଜଣାପଡିଛି ।

ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ