ପୁରୀ: ଚତୁର୍ଥ ଦିନରେ ପହଞ୍ଚିଛି ଏମାର ମଠର ଉଚ୍ଛେଦ ପ୍ରକ୍ରିୟା। ପ୍ରଶାସନ ପାଇଁ ଅଡୁଆ ବଢାଉଛନ୍ତି ମହନ୍ତ । ଏମାର ମଠର ମହନ୍ତ ରାଜ ଗୋପାଳ ରାମାନୁଜ ଦାସ, ମୁଖ୍ୟ ମଠରୁ ବାହାରିବାକୁ ନାରାଜ। ଯାହା ଫଳରେ ପୁରୁଣା ଗୃହ ଭାଙ୍ଗି ପାରିନି ପ୍ରଶାସନ ।
ପ୍ରଶାସନ ବିନା ଆଲୋଚନାରେ ରଘୁନନ୍ଦନ ଲାଇବ୍ରେରୀକୁ ଭାଙ୍ଗିଛି । ଯାହାର ବିରୋଧ କରି ପ୍ରତିବାଦ କରୁଛନ୍ତି ମହନ୍ତ। ଅନ୍ୟପଟେ ପୁରୀ ଅତିରିକ୍ତ ଜିଲ୍ଲାପାଳ ଏହାକୁ ଖଣ୍ଡନ କରିଛନ୍ତି। ସେ କହିଛନ୍ତି, ଏମାର ମଠ ମହନ୍ତଙ୍କ ସହିତ ସମସ୍ତ ପ୍ରକାର ଆଲୋଚନା ସରିଛି। ତାଙ୍କୁ ମଠ ନିକଟରେ ରହିବା ପାଇଁ ଏକ କଣ୍ଟେନର ଗୃହ ଯୋଗାଇ ଦିଆଯିବାର ମଧ୍ୟ ବ୍ୟବସ୍ଥା ହୋଇଛି।
ମଠ ମହନ୍ତ ଓ ତାଙ୍କ ଶିଷ୍ୟ ସେଠାରେ ରହି ପାରିବେ। ମଠର ମନ୍ଦିରକୁ ଭଙ୍ଗାଯିବ ନାହିଁ। ସେମାନେ ସେଠି ରହି ମନ୍ଦିରର ପୂଜାର୍ଚ୍ଚନା କରିବେ। ପରବର୍ତ୍ତୀ ସମୟରେ ପ୍ରଶାସନ ମହନ୍ତଙ୍କ ପାଇଁ ଥଇଥାନର ବ୍ୟବସ୍ଥା କରିବ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ