ପୁରୀ ଆଲୋକିତ କରୁଛି ଏମରଜେନ୍ସି ଲାଇଟ

ପୁରୀବାସୀଙ୍କୁ ଅନ୍ଧାରରୁ ମୁକ୍ତି ଦେବା ପାଇଁ ସହରରେ 300ରୁ ଉର୍ଦ୍ଧ୍ବ ଏମରଜେନ୍ସି ଲାଇଟ ଲଗାଇଛି ଶକ୍ତି ବିଭାଗ ।

ପୁରୀ: ବାତ୍ୟା ଫନିର ପ୍ରକୋପରୁ ଏବେ ଯାଏଁ ମୁକୁଳି ପାରି ନାହାନ୍ତି ରାଜ୍ୟର ଅଧିକାଂଶ ଅଞ୍ଚଳବାସୀ । ଏହାର ପ୍ରଭାବରେ ରାଜ୍ୟରେ ଅନେକ କ୍ଷୟକ୍ଷତି ହୋଇଥିବା ବେଳେ ଉପୁଡି ଯାଇଛି ଅନେକ ବିଦ୍ୟୁତ ଖୁଣ୍ଟ । ଫଳରେ ଅନ୍ଧାରରେ ଦିନ କାଟୁଛନ୍ତି ଲୋକେ । ସେଥି ମଧ୍ୟରେ ପୁରୀ ସହର ଅନ୍ୟତମ । ଏବେ ସୁଦ୍ଧା ବିଜୁଳି ପହଞ୍ଚି ପାରିନି ପୁରୀରେ । ପୁଣିଥରେ କେବେ ବିଦ୍ୟୁତ ସେବା ପାଇବେ ଜିଲ୍ଲାବାସୀ ତାହା ମଧ୍ୟ କହିବା ମୁସକିଲ ।

ଫଟୋ ସୌଜନ୍ୟ: ସୋସିଆଲ ମିଡିଆ/ ଟ୍ବିଟର

ତେବେ ଏହି ସମସ୍ୟା ପାଇଁ ଏକ ସ୍ଥାୟୀ ବିକଳ୍ପ ଖୋଜିଛି ପୁରୀ ଶକ୍ତି ବିଭାଗ । ଲୋକଙ୍କୁ ଅନ୍ଧାରରୁ ମୁକ୍ତି ଦେବା ପାଇଁ ସହରରେ 300ରୁ ଉର୍ଦ୍ଧ୍ବ ଏମରଜେନ୍ସି ଲାଇଟ ଲଗାଯାଇଛି । ଫଳରେ କିଛିଟା ଆଶ୍ବସ୍ତି ପାଇଛନ୍ତି ପୁରୀବାସୀ ।