ଭୁବନେଶ୍ବର: ବାତ୍ୟା ଫନି ପ୍ରଭାବିତଙ୍କ ପାଖରେ ପହଞ୍ଚିବ ଭ୍ରାମ୍ୟମାନ ଏଟିଏମ ସେବା । ଆଇସିଆଇସିଆଇ ବ୍ୟାଙ୍କ ପକ୍ଷରୁ ଆରମ୍ଭ ହୋଇଛି ଏହି ସେବା । ଫନି ମାଡରେ ପୁରୀର ବିଦ୍ୟୁତସେବା ଓ ନେଟୱର୍କ ପ୍ରଭାବିତ ହୋଇଥିବାରୁ ଦେଖାଦେଇଛି ନାହିଁନଥିବା ସମସ୍ୟା । ଖାସକରି ବ୍ୟାଙ୍କିଙ୍ଗ ସମସ୍ୟା । ତେଣୁ ଏହାକୁ ଦୃଷ୍ଟିରେ ରଖି ସମସ୍ତ ସୁବିଧା ଯୋଗାଇ ଦେବା ପାଇଁ ସଚିବାଳୟରେ ଆଜି ଆଇସିଆଇସିଆଇ ବ୍ୟାଙ୍କ ପକ୍ଷରୁ ୨୫ଟି ଭ୍ରାମ୍ୟମାନ ଏଟିଏମ ସେବାର ଶୁଭାରମ୍ଭ ହୋଇଛି ।
ଭିଡିଓ ସୌଜନ୍ୟ:ସମ୍ବାଦଦାତା, ଭୁବନେଶ୍ବର
ଲୋକଙ୍କ ପାଖରେ ପହଞ୍ଚିବ ଏଟିଏମ । ଏହି ସେବା ଜରିଆରେ ଯେକୌଣସି ବ୍ୟକ୍ତି ଥରକରେ ସର୍ବାଧିକ ୪୦ ହଜାର ଟଙ୍କା ଉଠାଇପାରିବେ । ପୁରୀ ଜିଲ୍ଲାର ବାତ୍ୟା ପ୍ରଭାବିତଙ୍କୁ ଏହି ସେବା ଦ୍ବାରା ନଗଦ ଅର୍ଥ ପାଇବାର ଅସୁବିଧା ଦୂର ହୋଇପାରିବ ।