ପୁରୀ: ପୁରୀ ପାଇଁ ବିପଦ ବଢାଉଛି ମଙ୍ଗଳା ନଦୀ । ଦୀର୍ଘଦିନ ଧରି ମୁହାଣ ଖୋଲା ନହେବା ଦ୍ବାରା ଏବେ ବନ୍ୟା ପାଣି ସହର ମୁହାଁ , ଯାହାକୁ ନେଇ ଚିନ୍ତାରେ ପୁରୀ ସହର ବାସୀ । ଗତ ଏକ ବର୍ଷ ହେବ ପୁରୀର ମଙ୍ଗଳା ନଦୀ ମୁହାଣ ଖନନ ହୋଇନଥିବାରୁ ନଦୀର ଜଳ ଏବେ ସହରମୁହାଁ । ପୋତି ହୋଇଯାଇଛି ମୁହାଣ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଆଜି ପୁଣି ସାଂକେତିକ ଭାବେ ଖୋଲିଛି ହୀରାକୁଦ ଗେଟ, ଆସନ୍ତା ଦିନେ ଦୁଇ ଦିନ ମଧ୍ୟରେ ଗେଟ ଖୋଲିବ ଯାହା ମଙ୍ଗଳା ନଦୀର ଜଳ ଫୁଲିବା ନିଶ୍ଚିତ । ଗତ 2 ବର୍ଷ ତଳେ ମଙ୍ଗଳା ନଦୀ ମୁହାଣରେ ଆରମ୍ଭ ହୋଇଥିଲା ଖନନ ପ୍ରକ୍ରିୟା । 2016 ସେପ୍ଟେମ୍ବର 14ରେ ଶେଷ ହୋଇଥିବା ମୁହାଣ ଖନନରେ 190 ଫୁଟ ଲମ୍ବ 80ରୁ 90 ଫୁଟ ଚଉଡାରେ ପ୍ରାୟ 5 ମିଟର ଗଭୀର ଖୋଳାଯାଇଥିଲା । ସେତେବେଳେ ନିଷ୍ପତି ହୋଇଥିଲା ନିୟମିତ ବ୍ୟବଧାନରେ ମୁହାଣ ଖୋଳାଯିବ ।