ରାକ୍ଷୀ ବାନ୍ଧିଲେ ବଡ ଠାକୁର

ଆଜି ପବିତ୍ର ରକ୍ଷା ବନ୍ଧନ ଉତ୍ସବ ଓ ବଳଭଦ୍ର ଜନ୍ମୋତ୍ସବ । ଏଥିପାଇଁ ଘରେ ଘରେ ଉତ୍ସବର ମାହୋଲ । ସେପଟେ ଶ୍ରୀମନ୍ଦିରରେ ମଧ୍ୟ ଏନେଇ ସତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଥାଏ ।

ପୁରୀ: ଆଜି ପବିତ୍ର ରକ୍ଷାବନ୍ଧନ ଉତ୍ସବ ଓ ବଳଭଦ୍ର ଜନ୍ମୋତ୍ସବ । ଏଥିପାଇଁ ଘରେ ଘରେ ଉତ୍ସବର ମାହୋଲ । ସେପଟେ ଶ୍ରୀମନ୍ଦିରରେ ମଧ୍ୟ ଏନେଇ ସତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଥାଏ । ଏଥିପାଇଁ ଶ୍ରୀକ୍ଷେତ୍ର ଉତ୍ସବ ମୁଖର । ହଜାର ହଜାର ଶ୍ରଦ୍ଧାଳୁ ଆଜି ଶ୍ରୀମନ୍ଦିର ଆସି ମହାପ୍ରଭୁଙ୍କ ଦର୍ଶନ କରିଛନ୍ତି ।

ଶ୍ରୀଜୀଉଙ୍କ ଭୋଗ ମଣ୍ଡପ ପରେ ତିନି ବାଡ଼ରେ ଯାତ୍ରାଙ୍ଗି ମହାସ୍ନାନ, ପରେ ମଇଲମ , ଘଣ୍ଟ, ଛତା , ସର୍ବାଙ୍ଗ , ଛ ମୂର୍ତ୍ତି ଅଳଙ୍କାର ଲାଗି ହୋଇ ମାଆ ସୁଭଦ୍ରାଙ୍କ ଦ୍ବାରା ବଡ଼ ଠାକୁର ଶ୍ରୀ ବଳଭଦ୍ର ଓ ଶ୍ରୀଜଗନ୍ନାଥଙ୍କ ହସ୍ତରେ ରକ୍ଷା ବନ୍ଧନ କାର୍ଯ୍ୟ ଅନୁଷ୍ଠିତ ହୋଇଥାଏ । ପରେ ମଧ୍ୟାହ୍ନ ଧୂପ ନୀତି ଅନୁଷ୍ଠିତ ହୋଇଥାଏ ।

ପରେ ବଡ଼ ଠାକୁରଙ୍କ ବାଡ଼ରେ ମଙ୍ଗଳାର୍ପଣ ହେବ । ଦକ୍ଷିଣ ଘର ଭୋଗ ହେବ । ଝୁଲଣ ଠାକୁରଙ୍କ ଠାରୁ ଆଜ୍ଞା ମାଳ ପାଇ ବିଜେ କରିବେ। ପରେ ସୁଦର୍ଶନ ମହାପ୍ରଭୁ ଆଜ୍ଞାମାଳ ପ୍ରାପ୍ତ ହୋଇ ବିଜେ କରିବେ । ସୁଦର୍ଶନ ମହାପ୍ରଭୁଙ୍କ ଚଉଦଳ ବିଜେ କରିବେ । ଏହାକୁ ମାର୍କଣ୍ଡ ପୁଷ୍କରିଣୀକୁ ବିଜେ କରାଯିବ । ସେଠାରେ ବଳଭଦ୍ରଙ୍କ ଜନ୍ମୋତ୍ସବ ଅନୁଷ୍ଠିତ ହୋଇଥାଏ।

ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ