ବ୍ରହ୍ମଗିରି: ସ୍ନାନ ପୂର୍ଣ୍ଣିମାରେ 108 ଗରା ସୁବାସିତ ଜଳରେ ସ୍ନାନ କରିବା ପରେ ଜ୍ବରରେ ପଡିଛନ୍ତି ମହାପ୍ରଭୁ। ଏଥିପାଇଁ ଅଣସର ଘରେ ଶ୍ରୀଜୀଉଙ୍କ ଚାଲିଛି ଗୁପ୍ତସେବା। ଏପଟେ ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ନ ପାଇ ବ୍ରହ୍ମଗିରିରେ ଛୁଟୁଛି ଭକ୍ତଙ୍କ ସୁଅ। ବିଶ୍ବାସ ରହିଛି ବର୍ଷ ତମାମ ମହାପ୍ରଭୁଙ୍କ ଦର୍ଶନ କଲେ ଯେଉଁ ପୂର୍ଣ୍ଣପ୍ରାପ୍ତି ହୁଏ ଅଣସର 14 ଦିନ ମଧ୍ୟରେ ଗୋଟିଏ ଦିନ ଅଲାରନାଥଙ୍କୁ ଦର୍ଶନ କଲେ ସମାନ ଫଳପ୍ରାପ୍ତି ହୋଇଥାଏ ।
ଭିଡିଓ ସୌଜନ୍ୟ: ପ୍ରତିନିଧି, ବ୍ରହ୍ମଗିରି
ଏହି ବିଶ୍ବାସ ନେଇ, ଏହି 14 ଦିନ ପ୍ରଭୁ ଅଲରାନାଥ ନିକଟଙ୍କୁ କାହଁ କେତେ ଆଡୁ ଛୁଟେ ଭକ୍ତଙ୍କ ସୁଅ । ଏଥିପାଇଁ ଆଜି ସକାଳୁ ଅଲାରନାଥ ପୀଠକୁ ଶ୍ରଦ୍ଧାଳୁଙ୍କ ଭିଡ ଲାଗିଛି । ଘଣ୍ଟା ଘଣ୍ଟା ଅପେକ୍ଷା କରି ପ୍ରଭୁ ଅଲାରନାଥଙ୍କୁ ଦର୍ଶନ କରୁଛନ୍ତି । ସେପଟେ ଶ୍ରଦ୍ଧାଳୁଙ୍କ ଭିଡକୁ ଦୃଷ୍ଟିରେ ରଖି ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।