ପୁରୀ: ଶ୍ରୀମନ୍ଦିର ପଶ୍ଚିମଦୁଆର ନିକଟରେ ଥିବା ବିଶ୍ୱଶାନ୍ତି ଅଖଣ୍ଡ ହରିନାମ ସଂକୀର୍ତ୍ତନ ମନ୍ଦିରରୁ ଲୁଟ୍ । ପୁରୀ ଶ୍ରୀମନ୍ଦିର ପଶ୍ଚିମଦୁଆର ନିକଟରେ ଥିବା ବିଶ୍ୱଶାନ୍ତି ଅଖଣ୍ଡ ହରିନାମ ସଂକୀର୍ତ୍ତନ ମନ୍ଦିରରୁ ଦାନବାକ୍ସ ଓ ମୂର୍ତ୍ତି ଲୁଟ୍ ହୋଇଥିବା ଅଭିଯୋଗ ହୋଇଛି ।
ଗତକାଲି(ବୁଧବାର) ବିଳମ୍ବିତ ରାତିରେ କେହି ଦୁର୍ବୃତ୍ତ ମନ୍ଦିରର ଦାନବାକ୍ସ ତାଡି ନେଇଛନ୍ତି । ତେବେ ଦାନବାକ୍ସରେ କେତେ ପରିମାଣରେ ଟଙ୍କା ଥିଲା ତାହା ସେଠାରେ ଥିବା ପୂଜକ ଜାଣି ନ ଥିବାବେଳେ ଚୋରି ସମ୍ପର୍କରେ ସିଂହଦ୍ଵାରା ଥାନାକୁ ଜଣାଇଛନ୍ତି । ସେପଟେ ସଂକୀର୍ତ୍ତନ ମନ୍ଦିର ପାଖରେ ପଶ୍ଚିମ ଦ୍ବାରରେ 24 ଘଣ୍ଟା ପୋଲିସ ପହରା ସତ୍ତ୍ବେ ସେହି ନିକଟରୁ ଚୋରି ହେବାକୁ ନେଇ ସୁରକ୍ଷା ନେଇ ପ୍ରଶ୍ନ ଉଠୁଛି ।
ପୂର୍ବରୁ ବଡଦାଣ୍ଡ ମାଉସୀ ମାଙ୍କ ମନ୍ଦିରରୁ ହୁଣ୍ଡି ଓ ଗଡରେଜରୁ ଚୋରୀ ହୋଇ ଥିବାବେଳେ ଆଜି ପର୍ଯ୍ୟନ୍ତ ଅଭିଯୁକ୍ତ ଧରା ପଡିନଥିବାରୁ ପୁଣି ଚୋରି ଘଟଣା ସାଧାରଣରେ ସୁରକ୍ଷା ଢିଲା ଥିବା ମନେ ହେଉଛି । ତେବେ ଏହି ଘଟଣାରେ ବିସିଆ ମହାରଣା ନାମକ ଜଣେ ବ୍ୟକ୍ତିକୁ ଗିରଫ କରାଯାଇଛି । ତେବେ ଶ୍ରୀମନ୍ଦିର ଚାରିପାଖରେ କଡା ସୁରକ୍ଷା ମଧ୍ୟରେ କିଭଳି ନିକଟ ମଠରୁ ଚୋରି ହେଲା ସେନେଇ ପୋଲିସ କାର୍ଯ୍ୟଦକ୍ଷତା ପ୍ରତି ପ୍ରଶ୍ନ ଉଠିଛି ।