ପୁରୀ: ମହାପ୍ରଭୁ ଜଗନ୍ନାଥଙ୍କ ଶେଷ ଦେବଦାସୀ ପରଶମଣିଙ୍କ ମୃତ୍ୟୁ ଘଟିଛି । ବୟସାଧିକ ଓ ବାର୍ଦ୍ଧକ୍ୟଜନିତ କାରଣରୁ ତାଙ୍କର ମୃତ୍ୟୁ ଘଟିଥିବା ସୂଚନା ମିଳିଛି । ୨୦୧୫ ମସିହାରେ ଶଶୀମଣିଙ୍କ ମୃତ୍ୟ ପରେ କେବଳ ପରଶମଣି ହିଁ ଏକୁଟିଆ ଶେଷ ଦେଵଦାସୀ ଥିଲେ।
ମହାପ୍ରଭୁ ଶ୍ରୀଜଗନ୍ନାଥଙ୍କ ରାତିରେ ପହଡ ଯିବା ପୂର୍ବରୁ ଫୁଲରେ ମଣ୍ଡନ ନହେଲେ ନିଦ ଆସେନି । ବଡ ଶୃଙ୍ଗାର ବେଶ ପରେ ଘିଅ ପକାଇ ପଖାଳ ଅନ୍ନ ଭୋଜନ କରିବା ପରେ ଦେବଦାସୀ ନୃତ୍ୟରେ ଗୀତ ଗୋବିନ୍ଦ ଶୁଣି ଶୁଣି ପହଡ ପଡିଥାଏ । ଶ୍ରୀମନ୍ଦିରର ସେହି ଶେଷ ଦେଵଦାସୀ ପରଶମଣିଙ୍କ ବୟସାଧିକ ଓ ବାର୍ଦ୍ଧକ୍ୟଜନିତ କାରଣରୁ ମୃତ୍ୟୁ ଘଟିଛି । ମୃତ୍ୟୁ ବେଳକୁ ତାଙ୍କୁ ୯୪ବର୍ଷ ହୋଇଥିଲା । ପୁରୀ ସ୍ବର୍ଗଦ୍ବାରରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି । ସେ ଗଛକାଳୀ ନିକଟରେ ଏକ ଭଡାଘରେ ରହୁଥିଲେ ।