ପୁରୀ: ପୋଲିସ ପଞ୍ଝାରେ ବ୍ରାଉନ ସୁଗାର ବେପାରୀ । ୨୯୮ ଗ୍ରାମ ବ୍ରାଉନ ସୁଗାର ଜବତ ସହ ୬ ବ୍ରାଉନ ସୁଗାର ବେପାରୀଙ୍କୁ ଗିରଫ କଲା ପୁରୀ କାକଟପୁର ଥାନା ପୋଲିସ । ତେବେ ବ୍ରାଉନ ସୁଗାରର ଆନୁମାନିକ ମୂଲ୍ୟ ପ୍ରାୟ ୩୦ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି ।
ପୋଲିସ ପଞ୍ଝାରେ 6 ବ୍ରାଉନ ସୁଗାର ବେପାରୀ
ସୂଚନା ଅନୁଯାୟୀ ମିର ରାହତ ଅଲ୍ଲି ଓ ମିର ରୋସନ ଅଲ୍ଲି ଜଳେଶ୍ବରରୁ ବ୍ରାଉନ ସୁଗାର ବିକ୍ରି କରିବା ପାଇଁ କାକଟପୁର ଆସିଥିଲେ। ତେବେ ବିଶ୍ବସ୍ତ ସୂତ୍ରରୁ ପୋଲିସ ଖବର ପାଇ କାକଟପୁରର ସୋମନାଥ ପେଟ୍ରୋଲ ପମ୍ପ ଠାରେ ଗାଡି ଚେକିଂ ସମୟରେ ଏହି ଅଭିଯୁକ୍ତଙ୍କ ଠାରୁ ବ୍ରାଉନ ସୁଗାର ଜବତ କରିଥିଲା । ପରେ ବ୍ରାଉନ ସୁଗାର ବିକ୍ରୀ ଅଭିଯୋଗରେ କାକଟପୁରର ରାଜକିଶୋର ସ୍ବାଇଁ, ବୁଢାଦେବ ଭୋଇ, ପୁରୀର ଜ୍ୟୋତିରଂଜନ ମହାନ୍ତି, ଅକ୍ଷୟ ଭୋଇଙ୍କ ସମେତ 6 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।