ଜନତା କର୍ଫ୍ୟୁ: ଖାଁ ଖାଁ ବଡଦାଣ୍ଡ

କୋରୋନାକୁ କଡା ଜବାବ ଦେବାକୁ ଆଜି ଦେଶ ପାଳୁଛି ଜନତା କର୍ଫ୍ୟୁ । ଏହାର ପ୍ରଭାବ ପୁରୀ ସହରରେ ମଧ୍ୟ ଦେଖିବାକୁ ମିଳିଛି । ସେନେଇ ଅଧିକ ସୂଚନା ଦେଇଛନ୍ତି ଆମ ପୁରୀ ପ୍ରତିନିଧି ଶକ୍ତି ପ୍ରସାଦ ମିଶ୍ର ।

ପୁରୀ: କୋରୋନା ମୁକାବିଲା ପାଇଁ ଆଜି ଦେଶ ପାଳୁଛି ଜନତା କର୍ଫ୍ୟୁ । ଏହାର ପ୍ରଭାବ ପୁରୀ ସହରରେ ସକାଳୁ ସକାଳୁ ଦେଖିବାକୁ ମିଳିଛି।

ସହରର ସବୁ ଦୋକାନ ବଜାର ବନ୍ଦ ରହିଥିବା ବେଳେ ସହର ସାରା ପୋଲିସର ନାକାବନ୍ଦୀ ରହିଛି । ଏଥିସହ ପ୍ରଶାସନ ପକ୍ଷରୁ ଲୋକମାନଙ୍କୁ ସକାଳ 7 ଟାରୁ ରାତି 9 ଟା ଯାଏଁ ଘରେ ରହିବାକୁ ଅନୁରୋଧ କରାଯାଇଛି।

ଏଥିସହ ଲୋକମାନଙ୍କୁ କେଵଳ ଅତ୍ୟାବଶ୍ୟକ ସାମଗ୍ରୀ ଓ କାର୍ଯ୍ୟ ପାଇଁ ବାହାରକୁ ବାହାରିବା ପାଇଁ କୁହାଯାଇଛି। ତେବେ ଜନତା କର୍ଫ୍ୟୁକୁ ନେଇ ପୁରୀ ସହରର କଣ ସ୍ଥିତି ରହିଛି ସେନେଇ ଅଧିକ ସୂଚନା ଦେଇଛନ୍ତି ଆମ ପୁରୀ ପ୍ରତିନିଧି ଶକ୍ତି ପ୍ରସାଦ ମିଶ୍ର ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ